Chefe do Suco Manelobas Domingos Agradece ba ME, Hari Tan Edificiu Foun EBF 1.2 Ernaru Manelobas Maubisse

0
221 views

Racom Maubisse 05/05/2022 Ministreriu da Edukasaun Liuhusi Diresaun Munisipiu Ainaro Tau Fatuk Dahuluk Ba Eskola EBF 1.2 Ernaru Manelobas Maubisse, tamba durante ne’e maske halao ona konstruaun no rehabilitasaun ba edificiu balun, maibe la suficente, tamba kada tinan alunus aumenta, ho nune;e politika VIII Governu Konstitusional liu husi Ministeriu da Edukasaun, komprometidu hodi hari escolar foun iha teritoriu Timor laran tomak, inklui Posto Administrativu Maubisse ne’e hari edifisiu foun 7 (hitu) inklui EBF 1.2 Ernaru manelobas Maubisse.

Relasiona ho konstrusaun ba Edificiu foun EBF 1.2 Ernaro Manelobas Maubisse, ba Jornalista Radio Komunidade Maubisse Mauloko, Chefe do Suco Manelobas Domingos Hateten katak;

 “Ho hari tan edificiu foun EBF 1.2 Eranru Manelobas mai hau pessoal no lori komunidade Suco manelobas sente orgulhu tamba ho graca Maromak Nian mezmu ke udan maibe ohin bele tau fatuk dahuluk ba escolar ida ne’e”.

Husu konaba karik ho klima udan no kondisaun Estrada at nune’e bele difikulta konstrusaun escolar refere, Lider Komunitariu Suco Manelobas Maubisse ne’e hateten katak;

“ Ita bo’ot sira bele hare rasik ami nia dalan at, sa tan ho udan hanesan ne’e, ida ne’e difikulta tebes transporte atu lori material konstrusaun tama mai hodi hari escolar ida ne’e, haree ba ami nia area remotas tebtebes, maibe ho garaca Maroamak Nian buat hotu lao ho diak, hodi transporta material lao ho diak, maske hasoru difikuldade balun, tanba nee naftin husu ba governu karik ba futuru bele aumentan tan edifisiu foun, tanba tinan tinan labarik sira aumenta ba beibeik”.

Aleinde ne’e lideranca komunitariu suco manelobas ne’e hateten tan katak Timor nee presija edukasaun nebee diak ba ita nia ona no bei oan sira atu aprende ho dignu tanba sira mak futuru nasaun Timor Leste.

Participa iha serimonia lansamentu primeira pedra ba EBF 1.2 Ernaru Manelobas Maubisse ne’e, Director Edukasaun Municipiu Ainaro ho komitiva, Lideranca komunitairu, inspektur ecolar Zona A ho B Maubisse, Inspektur escolar Hatobuilico, professors alunus no inan aman sira.

Jornalista     :Natalino Mendonca

Editor           :Joaquim De Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments