Racom Maubisse 05/05/2022, Ministeriu da Edukasaun Liuhusi Diresaun Munisipiu Ainaro Tau Fatuk Dahuluk Ba Eskola EBF 1.2 Ernaru Manelobas Maubisse, tamba durante ne’e maske halao ona konstruaun no rehabilitasaun ba edificiu balun, maibe la suficente, tamba kada tinan alunus aumenta, ho nune;e politika VIII Governu Konstitusional liu husi Ministeriu da Edukasaun, komprometidu hodi hari escolar foun iha teritoriu Timor laran tomak, inklui Posto Administrativu Maubisse ne’e hari edifisiu foun 7 (hitu) inklui EBF 1.2 Ernaru manelobas Maubisse.
Relasiona ho konstrusaun ba Edificiu foun EBF 1.2 Ernaro Manelobas Maubisse, ba Jornalista Radio Komunidade Maubisse Mauloko, Direktor Edukasaun Munisispio Ainaro Oscar de Araujo Hateten katak;
“Mezmu Udan, dalan at, Hau Prontu Hahi No Hanai Ba Esukasaun Munisipiu Ainaro ho nune’e ohin hau nia prezensa iha ne’e atu partisipa iha lansamentu primeira pedra ba edifisiu foun ensimnno baziku filial 1.2.3 Manelobas nia prosedimentu lao ho susesu, neste momentu ita konstroi uluk sala de aula tolu, depois ba futuru maka ita kompleta tan fasilidade seluk ba estudante sira”.
Husu konaba total sala de aula hira no orsamentu hira mak gastu ba Eskola refere, Director Edukasaun Municipiu Ainaro ne’e haktuir;
“Sim total sala de aula hamutuk tolu, haris fatin ba maskulino no femenino no orsamentu gasta ba EBF Ernaru Manelobas Maubbisse por vola de $ 99.9.00”no tamba sa mak tenke halao konstrusaun foun ba escolar refere tamba, haree ba edifisiu atual sente tristi uituan maibe ita koalia ona ho enjineiru ba futuru ita bele konstroi tan sala tolu tanba eskola EBF 1.2 akumula 1 ciclo 2 ciclo no 3 ciclo mezmu ke edifisiu antigo la akumula maibe ida nee mak kondisaun”.
Menzajem ba komunidade liuliu ba autoridade lokal inklui profesores nain 11 neebe mak hakna’ar-an iha ne’e atu fo liman ba malu, nune’e bele hare konstrusaun escolar refere ho diak to’o ramata, nomos husu ba parte hotu atu taumatan didiak ba escolar refere, tamba future ita niaoan no beioan sira atu sai ema diak liu husi dalan edukasaun.
Iha Fatin hanesan relasiona ho konstrusaun edificiu foun EBF 1.2 Ernaro Manelobas, Chefe do Suco Manelobas hateten katak nia parte sente kontente tamba Ministeriu daEdukasaun bele kontrui tan edificiu foun escolar EBF ernaru nian ho sala tolu.
Participa iha serimonia lansamentu primeira pedra ba EBF 1.2 Ernaru Manelobas Maubisse ne’e, Director Edukasaun Municipiu Ainaro ho komitiva, Lideranca komunitairu, inspektur ecolar Zona A ho B Maubisse, Inspektur escolar Hatobuilico, professors alunus no inan aman sira.
Jornalista :Natalino Mendonca
Editor :Joaquim De Fatima
