Autoridade Postu Hato-Builico Ejiji ba Governu Sentral Tau Matan Elestrisidade No Estrada

0
639 views

Racom Maubisse (15/04/2022) Administrador Postu Administrativo Hato-Builico Municipio Ainaro, Bento Alves hateten ida ne’e Relasiona ho Prokupasaun Komunidade no Juventude Aldeia Manumera ba Roman Eletrisidade no kondisaun Estrada ne’ebe maka susar atu asesu iha Tempu idan.

Tamba ne’e Jornalista Radiu Komunidade Maubisse Mau-Loko Bento Alves hateten;

“Hanoin katak Administrador ne’e foun maibe hau ema tua iha Hato-Builico. No durante ne’e hau servisu kedan hanesan Kórdenador ba Dezemvolvementu Rural iha Postu ida ne’e hau hatene muito bem. Maibe agora hanesan Administrador foun hau sempre ejiji nafatin ba iha Autoridade kompetente oinsa maka bele tau matan iha estrada sira ne’ebe maka ligasaun ba iha Suku no Aldeia iha Postu Hato-Builico” Dehan Autoridade Postu ne’e 15/04/2022/

Kona ba Eletrisidade Administrador Postu ne’e afirma;

“Eletrisidade hau hanoin tama hotu ona iha planu maibe ita hein dezisaun hau hanoin iha Minitériu kompetente. Tamba ne’e hau hanesan Administrador Postu hau sei ejiji nafatin ba Ministériu atu núne’e oinsa bele halo servisu liga Eletrisidade iha Suku no Aldeia, liu-liu ba iha Aldeia Maulahulo Manumera no mós Aldeia balun ne’ebe maka Eletrisidade seidauk tama. Hau fiar katak se tinan ne’e maka la akontese tinan oin sempre halao, se karik maka sira la halo hau hanesan Autoridade hau sei ejiji nafatin Autoridade komptente iha Nivel Municipio no Nasional”Afirma Administrador Postu Hato-Builico Municipio Ainaro 15/04/2022.

Administrador Postu Administrativo Hato-Builico hateten lia hirak ne’e wainhira partisipa iha Selebrasaun Paskula loron Sesta Feira Santa iha Aldeia Manumera Suku Mulo.    

Jornalista                     Joaquim de Fátima Coutinho

Editor                          Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments