Pe. Francisco Soares Fernandes “Resposta Domin Nai Jesus Nian Maka Kria Paz Dame no Domin iha Ita Rain”

0
591 views

Racom Maubisse (15/04/2022) Padre Vigariu Maubisse ne’ebe Rezidente Permanente iha Hato-Builico Pe. Francisco Soares Fernandes ható mensajen ne’e ba Sarani Postu Administrativo Hato-Builico Municipio Ainaro, iha Selebrasaun Loron Sesta Feira Santa, ho Aktividade Viasagra Moris ne’ebe maka halao iha Aldeia Manumera foin lalais ne’e.

Amu Vigariu ne’e hateten Jesus hadomi ona ita hodi Sakrifika Nia-An terus tó mate iha Kruz atu lori ita ba hetan moris. Tamba ne’e apela nafatin ba Sarani tomak atu kria nafatin Paz no udidade,  ida ne’e maka resposta domin ita ema nian ba Nai Jesus Kristu.

“Hau nia lia menon ba Sarani tomak, Jesus hadomi ita hodi sakrifika tia ona Nia-An ba ita, terus tó mate iha Kruz atu ita ba hetan moris rohan laek. Resposta domi ita nian ba Jesus maka ida ne’ebe? Resposta ita nia ba Jesus maka wainhira ita bele kria nafatin dame, domin, ksolok, iha ita nia rain. Liu-liu iha situasaun Polítika ne’ebe ita hasoru halo ita nia moris la hakmatek ita buka fila fali ba Jesus atu hare fali oinsa maka Jesus Nia ukun laos ukun deit ho forsa ho kroat maibe Nia ukun ho domin, ukun ho sakrifika Nia-An tomak iha Kinta feira Santa Nia fase Apostlu sira nia ain hatudu sinal haraik-An ba Ninia Apostlu sira no hameno hela ba Apostlu sira atu halo ida ne’e ba malu. Í Nia mós hanorin ita liu-liu iha ita nia rain Nai Ulun sira no Povu tomak atu hatene hadomi malu, oinsa maka hatene servi malu  se ita servi diak liu ita nia Povu ita nia rain ita presija kueñese Jesus diak liu tan, basa Jesus maka Ukun Nain ida  ne’ebe lolos  ne’ebe Ukun ho domin no servi Nia Povu tó Saran-An ba Mate” Hameno Pe. Francisco Soare Fernandes  ba Sarani sira iha Aldeia Manumera Hato-Builico Municipio Ainaro 15/04/2022.

Amu Vigariu ne’e husu Nafatin ba iha Sarani sira atu  mantein hakamatek nafatin iha loron Elisaun Prezidensial ba Ronde daruak nian ne’ebe maka hein deit ona loron.

Jornalista                     Joaquim de Fátima Coutinho

Editor                          Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments