Racom Maubisse (12/04/2022) Sigundu Vise Prezidente Partidu CNRT Gil da Costa Monteiro “Oan Soro” hateten ida ba Militantes Simpatizantes no foinsa’e sira iha Mini Kampaña ba Kandidatu Prezidente Repúblika José Ramos Horta iha Fatin Istóriku Kanurema Maubisse Municipio Ainaro.
“Oan Soro” hateten, Jura iha Polítika ne’e konsidera hanesan tau tali ba kakorok, la hanesan ho Jura ba Kultura. Tamba Jura ba iha Polítka Siknifika hamate Demokrásia.
“Hau nia alin sira imi karik bele Jura ne’e, Jura ba iha Bosok ida hada ne’ebá ne’e, Jura ba iha Lisan ida Rin Hát Kakuluk Rua ne’e, maibe labele Jura iha Politika. Tamba saida imi Jura iha Polítika ne’e imi tau Tali ba Imi nia Kakorok. Jura ba Polítika ne’e tamba saida maka tau tali ba kakorok Polítika ne’e ohin Mutin aban Metan imi Jura ba Kultura ne’e hau la hirus imi ida, tamba hau ema ida ne’ebe aprende Polítika murni los la kahur ho buat ida. Ohin ita Jura aban dadersan Demokrásia mate Apa Kolia lós mós lós, Apa kolia Sala mós lós” Apela “Oan Soro” ba Foin sa’e sira iha Maubisse Municipio Ainaro 12/04/2022.
Ho Lian makas Eis Sekretaria Estadu Ba Asuntu Veteranos ne’e katak;
“Ita nia Nasaun ne’e Nasaun Demokrátiku tamba ne’e labele halo mate nia imi Foinsa’e sira maka tenki aprende ida ne’e makas hodi lao ba oin, hau la hirus soke hau aprende Polítika tenki hanorin Polítika los ba Povu ne’e hau labele obriga Povu ne’e mai Jura para aban nia mai kolia lós mós nia tauk tamba mai Jura tia ona. Ne’e labele ne’e Demokrásia mate ida ne’e maka hau kolia laos hirus sira, ema balun kolia hanesan ne’e kolia kuidadu se hau kuidadu entaun Joven sira sai at hotu ona. Bua ho Malus ida o ba simu ne’e kestaun seluk, o ba hakneak iha Apa ho Ama iha tempu ruma sira tula Bua ho Malus atu fó Matak Malirin ne’e kestaun seluk maibe labele Jura tamba Polítika. Ita nia Aman sira, Avon sira uluk ba Jura ne’e sira Jura dehan Hau Jura ba Rai ida ne’e Mate ka Moris Ukun Rasik-An, Maibe imi labele Jura tamba imi Jura Agora Demokrásia Mate problema maka ida ne’e hau Kundu Jura tia ona ne’e hau mai maka Ama Kolia lós mós Ama Ida Fe Dlo (Lian Mambae Maubisse), hau mai Ama Kolia Sala mós Ama Ida Fe Dlo (Lian Mambae Maubisse), “ Deklara Segundu Vise Partidu CNRT Gil da Costa Monteiro “Oan Soro” Iha Mini Kampaña ne’ebe maka halao iha Kanurema Postu Administrativo Maubisse Municipio Ainaro 12/04/2022.
Aliende Aktividade Mini Kampaña ne’ebe maka halao iha Kanurema Maubisse ne’e lao ho susesu tó remata, Hetan supervisaun husi Ofisial Supervisaun Eleitoral CNE.
Jornalista Moises da Silva Magno
Editor Joaquim de Fátima Coutinho
