Dada Liña Eletrisidade Manumera Hato-Builiku Komunidade Hela Deit ho Promesa

0
452 views

Racom Maubisse (13/04/2022) Autoridade Komunitaria no Juventude Manumera Suku Mulo Postu Administrativo Hato-Builiku Municipio Ainaro, Prokupa ho dada Liña Eletrisidade ne’ebe antes ne’e Governu Promete katak sei halao servisu dada Liña Eletrisidade iha tempu badak nia laran maibe tó oras ne’e dadauk Komunidade sira hein hela Roman Eletrisidade maibe hela ho Promesa deit.

Ba Radio Komunidade Maubisse Mau-Loko Kuarta Feira Loron 13 Fulan Abril Xefe Aldeia Manumera Afonso Verdial Hateten Komunidade Aldeia Manumera kontenti wainhira simu Autoridade kompetente EDTL Nasional no Municipio iha Aldeia refere, maibe liu tia ida ne’e Komunidade sira hela ho tristeja ba iha Promesa furak sira ne’ebe maka antes ne’e promete ba sira.

“Hau tristi ho Progama Governu nian, liu-liu kona-ba ahi ne’ebe maka Governu Promete ona ba Komunidade ami Ukun Rasi-An tinan 20 ona ahi la tama mai iha ami nia Aldeia ida ne’e. Parte husi Governu mai promete ba ami kona-ba ahi, tamba ne’e ami núdar Autoridade ami mós prepara hodi simu Nau Ulun sira í Komunidade sira mós prepara Nan, Kafé no baut hot-hotu atu bele simu sira, No mós ami ne’ebe hanesan Autoridade iha Aldeia ida ne’e ami debe ema nia Tais Metan atu simu sira. Agora sira mai promete iha 2020 tó fali agora 2022 sira la realija ida, ne’ebe ami hakarak husu ba Governu oinsa ita bót sira promete ahi mai Komunidade tó agora ahi la mai ami hakarak hatene ho rajaun saida maka ahi la mai? Ami hamutuk ho Komunidade sira ami tristi los. Tamba ne’e ami rekomenda ba Governu labele haré deit ba Aldeia Seluk no Suku Seluk maibe tenki haré mós mai ami” Dehan Xefe Aldeia Manumera Suku Mulo Postu Administrativo Hato-Builiku Municipio Ainaro 13/04/2022.  

Afoso reforsa liu tan Katak Tuir Kompremisu ne’ebe Autoridade Komptente prometa ba Komunidade katak ahi sei lakan iha Natal Maibe agora tamba tan ona ba Loron Paskua laiha Rejultadu.

“Sira promete mai Povu dehan katak iha Natal ahi tenki lakan, agora Natal remata atu tama fali tan ba Paskua atu tama tan Natal mós agora ahi la lakan ne’ebe husu ba Governu keta bosok Povu demais keta mai promete ba Povu hodi prepra Nan ami autoridade Lokal Prepara Tais hodi Simu sira ho Haksolok tó ikus mai sira nia promesa ne’ebe fó ba Povu la realija” Hatutan Lider Komunitaria ne’e iha Aldei Manumera 13/04/2022.

Aliende ida ne’e Komunidade Aldeia Manumera laos deit Prokupa deit Roman Eletrisidade, maibe mós ba Kondisaun estrada ne’ebe maka susar tebes atu asesu iha Tempu udan hodi Tranporta Produtu Asesu ba iha Mekadu hodi bele hetan osan ba sustenta moris lor-loron iha familia. Maske Aldeia ida ne’e Riku ho Produtus lokal sira hanesan Fehuk Ropa, Repollu, no Seluk tan, Inklui fatin refere mós Pontesia ba iha Seitor Turizmu ne’ebe furak tebes.

Tuir Juventude Aldeia Manumera Stevanos Ximenes ba Radiu Komunidade Mubisse Mau-Loko dehan tan katak, Maske iha Aldeia Manumera Suku Mulo Postu Administrativo Hato-Builiku Municipio Ainaro Nakuno ho Prodotus modo no fatin Turiztika ne’ebe maka mensiona dadaun maibe prokupasaun Komunidade nian maka kona-ba Roman Eletrisidade no Estrada.

“Kona-ba Eletrisidade promete ne’e hanesan promete falsu ida tebes, tó agora komunidade ida Aldeia Manumera ne’e hein hela la hatene rejultadu ne’e bainhira. Tamba ne’e maka ami husu ba Partes releantes sira presija tau atensaun ba problema refere tamba tinan hirak nia laran ne’e ita Ukun Rasik-An ona maibe estrada ho Ahi ne’e sai Prokupasaun ba Komunidade Aldeia ida ne’e. Foin lalais sira mai promete katak iha Marsu ho Apbril ne’e sira atu halo ona servisu maibe tó agora seidauk deit, tamba ne’e ami hakarak hafanun nafatin sira atu labele haluhan saida maka sira mai dehan ona ba ami iha Aldeia ida ne’e” Dehan Stevo ba RKMM 13/04/2022.

Aliende ne’e total Populasaun iha Aldeia Manumera Suku Mulo Postu Administrativo Hato-Builiku Municipio Ainaro Hamutuk ema Atus Nen Resin.

Jornalista                     Moises da Silva Magno

Editor                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments