Mini Kamapaña Kandidatu Prezidente  Ramos Horta ba Segundo Volta Iha Kanurema Maubisse

0
146 views

Racom Maubisse (12/04/2022) Tersa Feira ne’e Segundu Vise Prezidente Partidu CNRT Gil da Costa Monteiro “Oan Soro” Estrutura CNRT Postu Maubisse Hamutuk ho Movimentu Sira, Partidu PD, PUDD halao Mini Kampaña ba Kandidatu Prezidente Husi Partidu CNRT nian José Ramos Horta Iha Fatin Istóriku 1974-1975 Kanurema Postu Administrativo Maubisse Municipio Ainaro.

Ba Militantes no Apoiuantes no Komunidade Maubisse, iha Fatin Istóriku ne’e, Segundu Vise Prezidente Partidu CNTR Gil da Costa Monteiro “Oan Soro” Hateten, husu ba Maubisse oan sira hotu iha Loron 19 fulan Abril 2022 la bele hili sala, Maibe hili Kandidatu Prezidente José Ramos Horta ho Númeru Sorteiu ida (1) ba Prezidente Periodu 2022-2027 hodi hadia rai ida ne’e no hamos hikas Labadai ne’ebe maka taka hela Mundu nia matan.

“Apela ba Maubisse Oan sira, Ainaro Oan sira, Timor-Oan hotu atensaun no atensaun labele estraga imi nia votu.Dia 19 de Abril iha dia 18 kalan ne’e toba sedu hanoin iha imi nia kakutak ne’e Númeru ida, ida, ida, hader mai Inkai nor Auama fanu malu sedu Kafé Moruk ida liu tia tuku 7 ba hamrík iha Sentru votasaun  hanoin maka ne’e Númeru ida,  Vota ba Númeru ida (1) hodi hadia rai ida ne’e hamos tia labadai ne’ebe taka tia Mundu nia Matan hateke Timor la hetan ona ne’e. Agora dadauk ne’e ita hasoru Krizi 3, Krizi Konstitusional,Krizi Polítika, Krizi Ekonomia Mina Sae fós sae dun sala ba Ukrania dun sala ba Rusia. Imi haré tók Bimoli ne’e mai husi Ukrania ka Rusia? Bimoli ne’e mai husi Indonesia depois Ukrania ho Rusia maka lori todan. Osan deit agora iha Tmor Laiha 2.1 ne’e  aprova iha 2022 ne’e Angka deit osan laiha tamba osan Dolar ne’e ita nian, Fundu Minarai nian mais ninia save ida rai osan ne’e ema kaer iha Amerika Ne’eba” Dehan Oan Soro iha Kanurema Maubisse 12/04/2022.

Eis Sekretaria Estadu Ba Asuntu Veteranos “Oan Soro” Kuntinua hateten Fiar katak Maubisse Sei fó Votus Maioria ba Kandidatu Prezidente Repúblika José Ramos Horta. Tuir kedan ho Elisun Parlamentar Hili Nafatin Partidu CNRT hodi Lori Kay Rala Xanana Gusmão ba Kaer Governo.

“Tamba ne’e maka hau Konvida dia 19 agora vota Dr. Ramos Horta ba Prezidente da Repúblika. Tuir ida ne’e mai ita ba Elisaun Parlamentar vota deit CNRT para lori Xanana ba Kaer Governu. Hau fiar Maubisse ne’e bele, foin dadauk ita bót sira fó 7.000 hau fiar imi sei fó tó 10.000 ami Ainaro Villa ne’e itoan deit maibe ita bele tó 17.000 hau fiar katak ho esforsu ita bót sira hotu nian rona didiak no haré momos Segunda Rode ne’e  Ainaro bele lori mais de 20.000 ou lebih dari 20.000” Hatutan  Eis Sekretaria Estadu Ba Asuntu Veteranos  Gil da Costa Monteiro “Oan Soro” iha Kanurema Maubisse 12/04/2022.

Fatin hanesan Kórdenador Partidu CNRT Postu Administrativo Maubisse Sebastião Castro Pereira “KAKATUA” Deklara iha Elisaun Ronde da Huluk  Maubisse Nia Votu ba José Ramos Horta Rihun Hitu Resin, Tamba ne’e hakarak ou lakohi tenki aumenta iha Elisaun Prezidensial ba Ronde da ruak loron 19 fulan Abril 2022, Liu husi Forsa Politika Partidu PD, PUDD, hamutuk ho Movimentus sira hotu ne’ebe fó sira nia Apoiu ba Prezidente Partidu CNRT Kay Rala Xanana Gusmão hodi Tula Liman Kandidatu Prezidente Repúblika 2022-2027 José Ramos Horta ho Numeru Sorteu ida (1) iha Elisaun Ronde da Ruak ne’e.

“Ronde Premeitu ne’e ita hetan Rihun Hitu Resin iha Maubisse, Tamba ne’e ita buka tan 2.000 ka rihun 3.000 aumenta tan mai tó ona. Tamba ne’e hanesan Kórdenador Postu Maubisse fó Agradese tebes ba Maun Bót nain rua tamba mesmu ke ami nia Militante Itoan tamba ami fahe tia ba fatin tolu kedas” Deklara Kórdenador P. CNRT Maubisse Sebastião Castro Pereira “KAKATUA” 12/04/2022.

“KAKATUA” Hatutan Aktividade Mini Kampaña ne’ebe maka halao iha Postu Administrativo Maubisse iha Fatin tolu maka hanesan Suku Manetu, Horaiquic, no Suku Maubisse nian maka halao iha Kanurema Maubisse.

Aliende Aktividade Mini Kampaña ne’ebe maka halao iha Kanurema Maubisse ne’e lao ho susesu tó remata, Hetan supervisaun husi Ofisial Supervisaun Eleitoral CNE.

Jornalista                     Moises da Silva Magno

Editor                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments