Racom Maubisse (21/03/2022) Administrador Postu Administrativo Ainaro Villa Municipio Ainaro,Nazario de Araújo hateten ne’e liu husi intervista ho Jornalista Radiu Komunidade Maubisse Mau-Loko Segunda ne’e iha nia knar fatin.

Tuir Autoridade Postu ne’e katak, ho Lema Ainaro nian ne’ebe maka hakerek iha fatin Públiku “Roamn Domin Roman Dame” maka nafatin fó hanoin ba iha Komunidade Ainaro ate ohin loron maske iha Partidu Polítiku oi-oin, kolia insultu ba malun maibe asaun ne’e laiha.

“Hanesan ita haré ita nia Komunidade ne’e maduru ona liu-liu Juventude feto no mane, no mós ba Grupu Arte Marsiais sira tamba sira fila fali ba lema Ainaro nian ne’ebe ke hakerek iha fatin Públiku katak “Roman Domin Roamn Dame” ida ne’e maka fó konsensializasaun ba ema hot-hotu, tó agora Ainaro  maske  Partidu Polítiku oi-oin, bele mosu kolia lia fuan ba malun maibe asaun ne’e laiha ida. Ne’e maka halo ita agradese tebes tamba ita Komunidade Ainaro sira kria ambiente ne’ebe maka diak” Dehan Nazario 21/03/2022.

Autoridade Postu ne’e afirma liu tan katak;

“Iha opotunidade ida ne’e mós hau hakarak f’ó mós agradesementu wain ba Fiskais husi Kandidatu 16 nian no mós Lider Partidu Polítiku sira hotu tamba sira kópera teb-tebes hodi mobilija sira nia apoiuantes sira ne’e bele mai ható sira Votus iha Sentru Votasaun” Nia fundamenta 21/03/2022.

Tamba ne’e Autoridade Postu Administrativo ne’e, ható ninia agradese wain ba Komunidade husi Suku 7, Orgaun Administrasaun Eleitoral CNE no STAE, Partidu Polítiku sira hotu, Inklui entidades relevante sira hotu iha Municipio Ainaro nia kontribuisaun hodi fó susesu ba iha Elisaun Prezidesial tinan 2022-2027 iha Municipio Ainaro.

Jornalista                     Moises da Silva Magno

Editór                          Joaquim de Fátima Coutinho