Racom Maubisse (21/03/2022) Lian hameno ne’e ható husi Komandante Polisia Nasional Timor Leste (PNTL) Municipio Ainaro Zustino Menezes, hafoin akompaña rejultadu Apuramentu final Elisaun Prezidensial  iha Edefisiu STAE Municipio Ainaro, iha Sesaun Asina akta final  husi Fikais Kandidatura 16, CNE no STAE hafoin trasporta ba Apuramentu Nasional.

“Mensajen liu ba Joven sira buat ne’ebe sira hatudu durante ne’e, iha prosesu Elisaun ne’e diak tebes. Husu ba ita bót sira atu kuntinua manteín tamba hanesan Ainaro iha ninia karakteristíka rasik katak “Romsn Domin Roaman Dame” entaun ida ne’e sai hanesan mata dalan diak ba Populasaun hotu iha Municipio Ainaro liu-liu ba Juventude sira. Aumesmu ba Eleitór sira ne’ebe maka la konsege tuir Votasaun hau husu ba ita bót sira se karik iha Segundu Ronde husu para hot-hotu tenki partisipa.Tamba ne’e hanesan buat ne’ebe maka ita nia kontribuisaun ba ita nia Nasaun Timor-Leste, Liu husi Elisaun Prezidensial no Elisaun Parlementar” Hateten Komandante Zustino 21/03/2022.

Aliende ida ne’e mós ba iha Eleitór sira iha area jurídiku Municipio Ainaro nian hameno katak;

“Komandu PNTL Municipio Ainaro, iha oputinidade ida ne’e mós hakarak fó mensajen ba Elitór sira hotu iha area jurídiku Municipio Ainaro nian, premeiru hakarak agradese ba ita bót sira ne’ebe maka apoiu ona parte Seguransa nian tamba durante prosesu buat hotu lao diak. Segundu hau mós hakarak fó agradese apoiu tékniku prosesu Elisaun ida ne’e, liu-liu STAE, CNE, Brigada sira, Fiskais husi Partidu Politik sira, Autoridade Lokal sira hotu ne’ebe durante ne’e apoiu tebes ba PNTL Kpmandu Municipio Ainaro” Hatutan Komandante PNTL Municipio Ainaro Liu husi Intervista ho Jornalista RKMM 21/03/2022.

Liga ho ida ne’e Tuir Administrador Postu Administrativo Ainaro Villa Nazario de Araújo hateten;

“Durante ne’e ita haré partisipasaun Komunidade Suku 7 iha Postu Ainaro nia konta, iha Sentru Votasaun 17, estasaun de Votu 24 lao kapas tebes, maske mosu dezafiu oi-oin hanesan udan bót, anin,estrada at,mota tun, ida ne’e la sai hanesan dezafiu ida ba Autoridade Municipio no Postu, Brigada sira, Poling Estaaf sira iha Sentru Votasaun sira hotu. Ne’ebe tuir observasaun hanesan Administrador Postu Elisaun ba Prezidente 2022-2027 ne’e lao susesu teb-tebes” Dehan Nazario de Araújo liu husi Intervista ho Jornalista RKMM iha nia knar fatin 21/03/2022.   

Jornalista                     Moises da Silva Magno

Editór                          Joaquim de Fátima Coutinho