Racom Maubisse (23/03/2022) Kuarta feira ne’e Ministériu Edukasaun Juventude no Desportu, liu husi Direktur Nasional Edukasaun Pre Eskolar Domingos Belo Saores, Akompaña husi reprejentante Direktur Edukasaun Municipio Ainaro, Sosializa Regras Matríkulasaun ba inan aman sira iha Pre Eskolar Aimerleu Suku Leolima Postu Administrativo Hato-Udo Municipio Ainaro.
Ba Radiu Komunidade Maubisse Mau-Loko Direktur Nasional Edukasaun Pre Eskolar Domingos Belo Soares esklarese katak, liu husi sosializasaun ida ne’e hodi eleva Koiñesementu inan aman sira nian konaba regras matríkulasaun nian ba Labarik sira.
“Hau nia Presenja ohin mai iha Pre Eskoar Aimerleu ne’e, atu fó sosializasaun konabá regras matríkula ba labarik sira. Tamba ne’e pesija halo espelikasaun ba inan aman sira para sira kompreiende atu ba tinan-tinan sira bele lori oan mai iha Pre Eskolar. Tamba dala ruma sira la kompriende labrik tinan 2 mós sira lori mai atu halo inskrisaun, balun fali liu tia tinan 7 maka foin lori mai, maibe ninia prosedimentu regras ne’e iha”Dehan Domingos Belo ba RKMM 23/03/2022.
Tamba ne’e Direktur Nasional Edukasaun Pre Eskolar ne’e Fundamenta liu tan;
“Tuir regras ne’e tinan 3, tinan 4, no tinan 5 ne’e tama iha Pre Eskolar. Aumesmu tempu tama iha Pre Eskolar mós sira ita labele tau hamutuk tinan 3 tinan 4 ne’e ita tau hamutuk iha parte grupu A, depois tinan 5 ba 6 ita tau iha grupu B. Atu núne’e sira nia apredisazem ne’e laos nansa maibe sira liu-liu mai aprende hanesan halimar, kanta,ne’e importante liu ba sira. Tamba ida ne’e maka esplika regras sira ne’e ba inan aman sira para labele iha prokupasaun” Nia Afirma 23/03/2022.
Aktividade Sosializasaun ida ne’e iha Eskola Aimerleu Hato-Udo hetan Partisipasaun másimu tebes husi inan aman hamutuk ho Manorin nain sira.
Enertantu total Estudante Pre Eskolar Aimerleu Konta hamutuk ho nia Filiais husi EPF Luru ba oras ne’e dadauk hamutuk 95 fahe ba iha grupu A no grupu B.
Jornalista Moisese da Silva Magno
Editór Joaqium de Fátima Coutinho
