Situasaun Seguransa Durante ELPRES Iha Municipio Ainaro Lao ho Kontroladu

0
367 views

Racom Maubisse (21/03/2022) Informasaun ne’e relata husi Komandante Polisia Nasional Timor Leste (PNTL) Municipio Ainaro Zustino Menezes, hafoin akompaña rejultadu Apuramentu final Elisaun Prezidensial  iha Edefisiu STAE Municipio Ainaro, iha Sesaun Asina akta final Apuramentu husi Fikais Kandidatura 16, CNE no STAE hafoin trasporta ba Apuramentu Nasional.

Autoridade Seguransa ne’e afirma, hahu husi inisiu Kampaña tó Votasaun no Apuramentu Municipio ne’ebe maka hahu kedan husi Sabadu loron 19 ate rejultadu final Apuramentu iha Municipio Ainaro Situasaun Seguransa lao ho diak no Kontroladu tebes.

“Komandu PNTL Municipio Ainaro hakarak relata, Seguransa ba prosesu Elisaun Prezidensial 2022-2027 ne’ebe maka hahú  husi dia 2 de Marsu tó dia 16 de Marsu Prosesu Kampaña ba Eleitoral ou Kamapaña ba Kandidatu Prezidente nian hakmatek tebes . Í kuntinua Prosesu Elisaun hahú  husi abertura kolokasaun Forsas Polisia aumesmu tempu Matreal Sensitivu no non Sensitivu ba Sentru Votasaun 70 iha Municipio Ainaro lao diak, í hahú iha dia 19 de Marsu 2022 halo Votasaun kontajen iha Sentru Votasaun tó deslokasaun mai fali iha Apuramentu Municipio Ainaro lao diak. Depois Apuramrntu Municipio nia rejultadu ohin dia 21 ita hetan Asina Akta deklarasaun rejultadu ne’ebe maka iha husi Fiskais sira aumesmu tempu husi Prezidente Prosesu Elisaun iha Municipio Ainaro ninian hanesan Direktur STAE í buat hotu lao diak. Agora dadauk ami Prepara atu Akomapaña ho Forsas ba Matreal Sensitivo rejultadu ne’ebe maka liu husi Apuramentu Municipal  ba iha Apuramentu Nasional” Relata Autoridade Seguransa Municipio Ainaro ne’e 21/03/2022.

Fatin hanesan Administrdor Municipio Ainaro Leovigildo Amaral Pereira, liu husi intervista ho Jornalista Radiu Komunidade Maubisse Mau-Loko hateten, nia Parte hanesan Autoridade másimu iha Municipio Ainaro senti orgullu tamba Prosesu Elisaun Prezidensial iha Municipio Ainaro lao ho Susesu tó remata, maske mosu problema kíkoan balun maibe konsege resolve ho diak. Tamba ne’e Leovigildo apresia tebes ba Servisu Seguransa, no orgaun Administrasaun Eleitoral STAE no CNE Municipio Ainaro.

“Diak hanesan Administrador Municipio Ainaro senti orgullu teb-tebes tamba prosesu Elisaun Prezidensial ida ne’e lao ho diak. Maibe mosu problema kíkoan-kíkoan bele resolve. Ho ida ne’e hau Apresia tebes ba parte Seguransa no mós Brigadista sira tamba halao servisu ida ho onestu la inklina ba iha ema ida. Elisaun ida ne’e ita haré katak diak ita nia Komunidade espresa sira nia sentimentu ou sira Votus ne’e tuir sira nia hakarak í laiha ema ida ke obriga sira ita haré katak buat hot-hotu lao tuir nia prosesu ne’ebe iha” Hateten nia 21/03/2022.

Tamba ne’e nia fundamenta liu tan katak husu atu mantein nafatin prosesu ida ne’e iha futuru iha Elesaun Parlementar 2023.   

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments