ADM Ainaro Leovigildo Amaral Pereira” Entre Kadidatu 16 Ida Maka Manan Mós ita nia Hotu

0
677 views

Racom Maubisse (21/03/2022) Administrador Municipio Ainaro tatoli lia menon ba ba Populasaun no Eleitóres Municipio Ainaro ne’ebe maka kontribui ona sira nia Votu iha Eleisaun Prezidensial 2022-2027 iha Municipio Ainaro Segunda ne’e hafoin STAE Municipio Ainaro fó sai rejultadu final Apuramentu Municipio Elisaun Prezidensial iha Municipio Ainaro.

“Husu ba hot-hotu atu kria Paz no Estabilidade iha Municipio ida ne’e, tamba Municipio ida ne’e ita maka sai hanesan ezemplu diak ba  Municipio sira seluk laiha problema. Fó lia menon ba iha ita nia Komunidade sira,liu-liu ba Kandidatu nai 16 ne’e mesak Timor-Oan deit laiha ema ida lao rai ne’ebe ida manan mós ita nian hotu, ne’ebe ita hot-hotu servisu hamutuk fó liman ba malun atu oinsa ita nia Nasaun ne’e  bele moris hakmatek ho dígnu  laiha falta buat ida ba ita nia Nasaun” Dehan Leovigildo ba Jornalista RKMM 21/03/2022.

Leovigildo Amaral Pereira Konsidera Elisaun Prezidensial tinan 2022-2027 iha Municipio Ainaro fó ezemplu diak ba Municipio Ainaro, tamba ne’e presija atu mantein nafatin iha Elisaun Parlementar tinan 2023.

 Rejultadu husi Apuramentu ne’ebe maka halao iha STAE Municipio Ainaro husi loron 19 tó loron 20 fulan Marsu 2022 oras tuku 7 iha kalan Municipio Ainaro, Klasifikasaun ba dala ulun nian maka Kandidatu Prezidente Repúblika ho Numeru Sorteu 14 José Ramos Horta ho Votus 17.284, Tuir kedan ho Kandidata ho Numeru sorteu 9 Armanda Berta do Santos ho Votus 6.581, no  Klasifikasaun ba da tolu nia okupa husi Kandidatu ho Numeru Sorteu 6 Francisco Guterres Lú-Olo ho total Votus 3.261.Tuir fali ida ne’e maka Kandidatu ho Numeru Sorteu 16 Mariano Assanami Sabino ho total Votus 2.711, ikus liu husi ne’e okupa husi Kandidatu ho Numeru Sorteu  5 Ancleto Bento Fereira ho Votus hamutuk 1092.

Tuir Fiskais husi Kandidatu Prezidente Repúblika ho Numeru Sorteu 9 Armanda Berta do Santos, Aktual Kórdenador Partidu Khunto Municipio Ainaro, Loresnso Soares tuir nia observasaun hateten;

“Failansu tékniku sira ne’e normal ne’ebe hadia tu-tuir ita haré no akompaña hela iha ne’e , ita bele hatete dehan laiha failansu liu-liu Municipio Ainaro lao ho Brigada sira, Polin Staaf sira lao ho diak. Liu-liu tuir Sentru Votasaun 70 ne’e mai hotu ho Estasaun 88 iha Municipio laran ami hotu e Apuramentu ohin dia 21 remata. No Rejultadu ne’ebe maka fó sai ona katak,liu-liu ba Kandidatu Dra. Armanda Berta nia rejultadu maka hanesan ohin 6.581 iha Municipio Ainaro” Dehan Fiskais ne’e ba Jornalista RKMM 21/03/2022.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments