Kandidatu PR ho Numeru Sorteu 9 Armanda Berta, Segundu Lugar iha Municipiu Ainaro Ho Total Votus 6.581

0
470 views

Racoma Maubisse (21/03/2022) Rejultadu husi Apuramentu ne’ebe maka halao iha STAE Municipio Ainaro husi loron 19 tó loron 20 fulan Marsu 2022 oras tuku 7 iha kalan Municipio Ainaro, Klasifikasaun ba dala uluk nian maka Kandidatu Prezidente Repúblika ho Numeru Sorteu 14 José Ramos Horta ho Votus 17.284, Tuir kedan ho Kandidata ho Numeru sorteu 9 Armanda Berta do Santos ho Votus 6.581, no  Klasifikasaun ba da tolu nia okupa husi Kandidatu ho Numeru Sorteu 6 Francisco Guterres Lú-Olo ho total Votus 3.261.Tuir fali ida ne’e maka Kandidatu ho Numeru Sorteu 16 Mariano Assanami Sabino ho total Votus 2.711, ikus liu husi ne’e okupa husi Kandidatu ho Numeru Sorteu  5 Ancleto Bento Fereira ho Votus hamutuk 1092.

Ba Radiu Komunidade Maubisse Mau-Loko  Fiskais husi Kandidatu Prezidente Repúblika ho Numeru Sorteu 9 Armanda Berta do Santos, Aktual Kórdenador Partidu Khunto Municipio Ainaro, Loresnso Soares dehan tuir nia observasaun  ho rejultadu ne’ebe maka iha dadaun ne’e hanesan forsa Polítika Partidu Khunto hodi hakat ba iha Elisaun Parlementar 2023 ho diak liu tan, atu ultrapasa ida ne’e Presija Servisu makas liu tan.

“Ho rejultadu ne’ebe maka Kandidatu Prezidente nia agora ba ami hanesan Kandidatur husi Dra.Armanda Berta nian liu-liu ba Partidu Khunto, hanesan mós Kórdenador ba Partidu Khunto katak mai oin ba Palementar nian ne’e ami sei hetan rejultadu diak liu tan. Maibe ami mós sei servisu tamba ho rejultadu ne’ebe maka agora iha ne’e ba ami katak sei prepara no hadia diak liu tan  para mai 2023 ba Parlementar nian ne’e Partidu Khunto iha Municipio Ainaro ami fiar katak ami oin ne’e kuandu ami hadia nia sei bele aumenta tan iha Municipio Ainaro” Dehan Lorenso  ba Jornalista RKMM 21/03/2022.

Ba Militantes no Simpatizantes Partidu Khunto iha Municipio Ainaro, responsabel másimu Municipio Ainaro ne’e hameno;

“Kórdenador Partidu Khunto Municipio Ainaro apela ba militantes ba apoiantes no simpatizantes sira katak, ita nia festa Demokrásia hotu ona no rejultadu ne’ebe ita simu ne’e maka realidade. Ne’ebe ita tenki hakmatek  liu-liu ba Joven sira labele haré malu ho matan ikun tamba tempu ba Kampaña ne’e tinan 5 dala ida maibe loron bailét ne’e ita familia hela, viziñu, mau alin, fetosa ho umane lao ba mai hela. Ne’ebe ita hakmatek  kria unidade oinsa ita bele hatudu dehan katak Joven ida agora ne’e madúru liu duke Joven ida ba kotuk, ne’ebe ita tenki hadia ita nia-an, prepara-an didiak hanesan jerasaun foun oinsa para atu akomapaña ita nia maun ita nia aman sira agora dadauk ne’e ida ne’ebe maka diak ita lao” Nia Hameno 21/03/2022.

Direktur STAE Municipio Ainaro Francisco Bianco Hafoin remata Apuramentu iha Edefisiu STAE Municipio Ainaro liu husi intervista ho Jornalista RKMM Relata katak, Rejultadu husi Eleisaun Prezidensial ne’ebe hahu husi Loron 19 tó Loron 20 fulan Marsu 2022 iha Municipio Ainaro, total Votu Abandonado 3, Nulu 779, Branku 289, Reklamadu 2, Votu Rezeitadu iha 5, no total Votu Válidu hamutuk 34.673 (96,98%)

“Rejultadu horesik ho ohin nian iha ne’e total hamutuk maka, Votus Válidu hamutuk 34.673 (96,98%), total Votu Abandonado 3, Nulu 779, Branku 289, Reklamadu 2, no Votu Rezeitadu iha ne’e 5, total Votante 45.650 e total partisipante ne’ebe maka mai Vota iha ne’e 35.751 no Taxa partisipasaun 78,32%” Relata Direktur STAE Municipio Ainaro 20/03/2022.

Nia hatutan entre Kandidatu nain 16 iha Municipio Ainaro Tuir Rejulatadu Apuramentu Kandidatu ne’ebe ho Numeru Eleitór barak liu maka Kandidatu ho Numeru Sorteu 14 José Ramos Horta ho total Votu hamutuk 17.284, tuir kedan ho Kandidata ho Numeru Soteu 9 Armanda Berta do Santos ho nia total Votus hamutuk 6.581.

“Diak iha kandidatu Numeru 14 ho valor bót iha ne’e 17.284, no iha Segundu Kandidata ho Numeru 9 iha ne’e iha 6.581, Kandidatu ho Numeru 6 iha 3.261, Kandidatu Numeru sorteu 16 iha 2.711 no Kandidatu ho Numeru Sorteu 5 Anacleto Bento Fereira iha ne’e iha 1.092” Bianco Hatutan 20/03/2022.

Direjente STAE Municipio Ainaro ne’e klarifika liu tan katak Oras Votasaun hahu iha oras tuku 7:00 dader no remtan oras tuku 3:00 Oras Timor Leste, tama ba Kontajen iha Sentru Votasaun no lori hikas mai iha Apuramentu iha Municipio no Remata iha  Domingu loron 20 fulan Marsu 2022 Oras tuku 7, no Rejultadu final ne’ebe fó sai husi Sistema STAE nian Oras tuku 9 ho balun kalan.

Aliende prosesu hirak ne’e hotu iha Municipio lao ho susesu tó remata.

Durante halao prosesu Apuramentu iha STAE Municipio Ainaro, hetan Observasaun husi CNE, Observador Nasional, Internasinal, Fiskais husi Kandidatu sira, Autoridade Municipio no Postu Administrativo Ainaro Villa, Hamutuk ho Komandante PNTL Municipio Ainaro, ne’ebe hetan Seguransa másimu husi Membru Polisia, Inklui ho membru PNTL ne’ebe maka kolokadu husi Nasional iha Municipio Ainaro.

Segunda feira ne’e loron 21 fulan Marsu Matreal Sensitivo hirak ne’e Trasporta oan ba Dili hodi supmete ba iha Apuramentu Nasional.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments