Buletin Votus La Tó iha Sentru Votasaun Suku Fatubesi Maubisse Eleitór Fó Sala ba STAE

0
511 views

Racom Maubisse (19/03/2022) Eleitór Filomeno de Araújo hateten ida ne’e iha iha Sentru Votasaun Suku Fatubesi Postu Administrativo Maubisse Municipio Ainaro hafoin ba eserze nia dirieitu. Tamba Tuir nia hateten ho Buletin Votu ne’ebe maka la tó dun sala ba STAE. Tamba STAE maka iha dadus Kompletu kona ba Eleitor hira maka sei ba Vota maibe realidade iha Sentru Votasaun ne’ebe maka nia Vota ba Buletin de Votu la tó,  tenki ba foti fali iha Sentru Votasaun Seluk.Tamba ne’e nia rekomenda atu hadia kestaun ida ne’e iha Eleisaun Parlementar tuir mai.

“Hau senti Boletin de Votu ne’ebe maka la tó maka ami la jadi Vota karik ami lakon ami nia direitu de Votu. Maibe hanesan kestaun bót ne’e ami dun sala ba STAE  tamba saida? STAE maka iha dadus Kompletu kona Eleitóres husi Suku Fatubesi ne’e hanesan ne’e, nusa maka la haruka Buletin de Votu mai la halo Cadangan la halo liu  maibe la tó fali. Se karik ohin ami la Vota karik ami senti ami nia direitu hanesan Eleitór ne’e ami lakon bót” Dehan Filomeno ba Jornalista RKMM 19/03/2022.

Tamba ne’e Filomeno Kuntinua rekomenda Sekretáriadu Tékniku Administrasaun Eleitoral (STAE) katak;

“Rekomenda ba STAE katak ikus mai Verifika didiak  labele halo tan hanesan ne’e para iha fali ikus mai Elisaun Parlementar agora mai fali ne’e  2023 ka antisipada ita la hatene los maibe ida ne’e hanesan kesan lisaun diak ba STAE hodi fó Buletin de Votu mai ne’e  tenki fó liu dadus ne’ene maka sira iha, ne’e para ami labele hein hanesan ne’e. Tamba sorti be ohin Buletin de Votu la mai lalais se mai tarde maka tó  3 oras ne’e konta ami la Vota ona” Rekomenda Nia 19/03/2022.

Tuir Brigadista STAE nia ne’ebe maka destakadu iha Sentru Votasaun Sede Suku Fatubesi Joanito José Menezes  hateten tamba Buletin de Votu la tó iha oras Elisaun lao namanas, obrigadu tenki ba impresta hikas Buletin de Votu husi Sentru Votasaun iha Eskola Ria Lisu 100 hodi fasilita Eleitóres sira ba Vota tó remata iha Sede Suku Fatubesi Maubisse Municipio Ainaro.

“Ohin hau impresta  Buletin 100 iha Sentru Votasaun Rialecu ninian  tamba hau nia Buletin de Votu ne’ebe maka iha, iha deit 400 ne’e la tó ba Votantes sira. Ne’ebe ohin hau ho ita nia Seguransa Polisia ho Fiskais ho CNE ami hamutuk ba impresta ita nia livrus 2 hamutuk iha laran Buletin de Votus 100 maka ami lori mai fali ne’e maka oras ne’e dadaun Elisaun lao hela”Dehan Joanito 19/03/2022

Nia hatutan halao ida ne’e tuir Orientasaun ne’ebe maka Brigada sira hetan husi Direjente STAE Nasional no Municipio, Enkuantu Buletin de Votu la tó tenki ba Impresta tutan fali husi Sentru Votasaun Seluk hodi fasilita Eleitor sira Ezerse sira nia direitu.

Menezes fundamenta liu tan katak assuntu ida ne’e nia parte relata ona ba Pontu fokal STAE Postu Administrativo Maubisse hodi Kuntinua relata ba iha STAE Municipio Ainaro.

Entertantu Prosesu Elisaun iha Sentru Votasaun Suku Fatubesi hahu oras tuku 7 dader no remata iha Oras tuku 3 lokraik  Oras Timor Leste.

Jornalista                     Joaquim de Fátima Coutinho

Editor                          Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments