José Maia Labele Fó Nia Votu Tamba Tó iha Sentru Votasaun Tarde

0
828 views

Racom Maubisse (19/03/2022) Sidadaun Suku Ainaro Postu Administrativo Ainaro Villa, José Maia labele Vota tamba tó tarde iha Sentru Voasaun ne’ebe maka estabelese iha Sentru Juventude Suku Ainaro Villa.

Ba Radiu Komunidade Maubisse Mau-Loko sidadadaun  José Maia Klarifika katak, Sidadaun ne’e halao nia aktividade Negosiu iha Municipio Manufahi, Tamba ne’e nia ba duni atu fó nia votu iha Sentru Votasaun ne’ebe maka estabelese ona iha Municipio Manufahi  tamba deit nia Kartaun Eleitoral Municipio Ainaro entaun ekipa sira haruka fila. Tamba ho distansia ne’ebe dók ho kondisaun udan ne’ebe la fó fatin antes tó iha Ainaro no ba  Vota iha Sentru Votasaun Suku Ainaro nian, Maia labele Vota tamba oras Liu ona tuku 3 liu minutu 38.

“Iha Same nebá ema la hatan maka dehan atu mai Vota iha Suku ida ne’e, Suku Ainaro tamba Kartaun Ainaro ne’e. Meman duni hau mai atu fo Votus duni ba ema ne’ebe hau hakarak, udan bót hau sei udan maka mai deit ne’e, tamba iha Same udan la fó fatin los ne’e. Ne’ebe udan para itoan maka hau mai ne’e dehan atu vota hotu hau fila fali maibe hau mai ema konta tia ona ne’e atu kolia nusa tan ba” Deklara José Maia ba RKMM 19/03/2022.

Entertantu tuir observasaun Jornalista iha Sentru Votasaun Sentru Juventude Suku Ainaro Villa Katak, Sidadaun ne’e tó iha fatin Vota Ekipa Stae ne’ebe hetan Suprvisiona husi CNE, inklui Fiskais no observado Internasional Fakar ona Buletin de Votu husi Urna ba Prosesu Kontajen nian iha oras tuku 3 liu Minutu 38.

Aliende ida ne’e mós tuir regras oras ba Votasaun nian ne’ebe fó sai husi STAE hahu iha tuku 7 dader to iha deit iha tuku 3 lokrais oras Timor Leste.

Jornalista                     Moises da Silva Magno

Editor                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments