Racom Maubisse (25/01/2022) Responsavel Kompañia Mentil Unipesoal Limitada, Olivia de Jesus Tilman hateten ida ne’e iha Seremonia Inagurasaun Edefisiu foun Postu Administrativo Maubisse Municipio Ainaro Tersa feira ne’e iha Maubisse.

“Hanesan Maubisse Oan ami hakarak atu hatudu buat ne’ebe maka diak, ita labele kolia deit kona ba Dezemvolvementu Maibe ita tenki kolia mós kona ba Kualidade no Responsabilidade Servisu ho ida ne’e ita bele Kontribui ba Dezemvolvementu” Dehan nia 25/01/2022.

Tamba ne’e Responsavel Kompañia ne’e ba Autoridade Komunitaria Postu Administrativo Maubisse Municipio Ainaro nia rekomenda; “Hau rekomenda mós ba Xefe do Suku nai 9 Xefe da Aldeia 62 katak uma ida ne’e ita bót sira nian. Administrador Postu tinan 5 sei troka maibe ita bót sira maka nain ba uma ida ne’e, ita bót sira maka proteje uma ida ne’e no ita bót sira maka kuidadu uma ida ne’e. Tamba uma ida ne’e Estadu fó mai ami halo para fasilita komunidade sira ne’ebe maka presija surat tahan ruma tenki mai iha fatin ida ne’e”. Hameno Olivia 25/01/2022

Biban ida ne’e  mós Administrador Municipio Ainaro Leovigildo Amaral Pereira Kuntinua fundamenta liu tan katak;

“Hakarak hameno ba Administrador  Postu Maubisse ho nia Estrutura tomak, Edefisiu ida ne’e sai hanesan fatin ne’ebe ita bót sira halao knar lor-loron nian ida ne’e sai fatin Sagradu ba ita bót sira liu-liu ba Suku 9 ho Aldeia 62. Halo Aktividade no Servisu sira liu-liu kona ba Povu nia moris, Povu sira nia susar liu husi fatin ida ne’e.” Fundamenta Leovigildo Amaral Pereira iha Seremonia Inagurasaun Edefisiu foun Postu Administrativo Maubisse Municipio Ainaro 25/01/2022.

Jornalista                     : Moises da Silva Magno

Editor                          : Racom Maubisse Mau-Loko