Vice MAE Lino de Jesus Torrezão Inaugura Edefisiu foun  Administrasaun Postu Maubisse

Racom Maubisse (25/01/2022) Tersa feira loron 25 fulan Janeiru ne’e Vice Ministru Administrasaun Estatal (MAE) Lino de Jesus Torrezão Inaugura Inaugura Edefisiu foun Administrasaun Postu Administrativo Maubisse Municipio Ainaro.

Antes da halao Inaugura Direktora Kompañia Mentil Unipesoal,Lda Olivia de Jesus Tilman klarifika ,Kompañia Mentil hetan fiar husi Governu hodi konstroi obra ida ne’e iha tinan 2019 hahu tau fatuk dahuluk iha loron 2 fulan Otubru tinan 2019.

“Hakarak atu akresenta deit obra ne’ebe maka durante Kompañia Mentil hetan fiar husi Governu hodi halo servisu iha fulan Agostu 2019, no atraja mai iha dia 2 de Otubru maka foin hahu peletakan batu iha fatin ida ne’e. Komapañia Mentil nia servisu obra ida akaba fulan 3, hahu iha 2 de Otubru hahu, dia 10 de Dezembru 2019 remata tia ona maibe tamba situasaun Covid ho mós failansu iha terenu nian maka ohin ita foin bele realija Inaugurasaun ida ne’e”Akresenta Olivia ba Vise Ministru Administrasaun Estatal hamutuk ho ekipa Nasional hamutuk ho Autoridade Lokal Municipio Ainaro 25/01/2022.

Intervensau Vise Ministru Administrasaun Estatal MAE Lino de Jesus Torrezão hateten,  ho Edefisiu foun ne’ebe maka Inaugura dadaun  hanesan kondisaun mínimu ne’ebe maka Governo Central Kria hodi kompleta fasilidades iha Postu Administrativo sira Inklui Postu Administrativo Maubisse Municipio Ainaro.

Governante ne’e mós apresia ba Servisu Kompañia maske infrenta probela oi-oin maibe obra ida ne’e finaliza ho diak.

“Antes ke ita atu hetan Edefisiu bót ne’ebe agora dadauk hamrík iha ita hotu nia let ne’e, hanesan kondisaun mínimu ne’ebe maka Governo Central halo levantamentu para atu halo nusa maka kopleta fasilidades sira iha Postu ho Administrasaun hotu-hotu pra Governu Central nia ema sira servisu iha fatin ne’ebe maka mahon. Dala ida tan hau fó Parabens ba Direktora Kompañia desde 2019 mais iha probela barak maka nia infrenta liu-liu kona ba rai fatin ne’ebe maka atu hodi harí tó ikus nia bele halo prontu duni ne’e.” Dehan Vise MAE 25/01/2022.

Entertanto Obra ida ne’e Konstroi husi Kompañia Lokal  Mentil Unipesoal Limitada ho montante Orsamentu $ 161,445,07 (Rihun Atus Ida Nennolu Rsin Ida Hitu, Atus Ha’at Nulu Resin Lima Centavos).

Jornalista                     : Moises da Silva Magno

Editor                          : Racom Maubisse Mau-Loko