ADM Ainaro Leovigildo Amaral Pereira “Ukun Rai ida ne’e Presija Ema Matenek”

0
1,030 views

Racom Maubisse (21/01/2022) Administrador Municipio Ainaro Leovigildo Amaral Pereira hateten, Edukasaun esensial liu ba iha Timor-Oan hotu basa atu Ukun Rai ida presija ema ne’ebe Kualidade no Matenek.

Autoridade Másimu Municipio Ainaro hateten ida ne’e iha Seremonia Inagurasaun ba Edefisiu foun Eskola Sekundariu Tékniku Vokasional Agrikola iha Suku Maulau Maubisse Municipio Ainaro Loron 21 fulan Jeneiru ne’e.

“Edukasaun ne’e esensial liu ba ita Timor-Oan hot-hotu, ita atu Ukun Rai ida Presija ema Kualidade ema ne’ebe Matenek bele Ukun ita nia Rai ida ne’e” Dehan Loevigildo 21/01/2022.

Tamba ne’e ba Inan Aman Manorin hamutuk Estudante sira ne’ebe partisipa iha Seremonia Inagurasaun ida ne’e Autoridade municipio ne’e hameno; “Ikus liu hau hakarak ható ba Inan Aman sira katak fatin ida ne’e sai hanesan fatin ida ne’ebe ita nia oan sira mai aprende no fatin ne’e Sagradu. Ne’e duni hau husu ba Inan Aman sira tau matan ba Edefisiu ida ne’e hanesan Imi nia kusta temi Municipio Ainaro Maibe tau iha Suku Maulau besik liu ita bót sira atu tau matan ba. Ba Estudante sira katak ida ne’e sai hanesan fatin Sagradu ba ita bót sira la bele nar-naran hakerek didi lolon sira ne’e” Hameno Administrador Municipio Ainaro 21/01/2022.

Jornalista                     : Moises da Silva Magno

Editor                          : Racom Maubisse Mau-Loko

0 0 votes
Article Rating
Subscribe
Notify of
guest
0 Comments
Inline Feedbacks
View all comments