Racom Maubisse (21/01/2022) Augostu Pereira hanesan Direktur Nasional Ensiniu Tékniku Vokasional MEJD hatete ida ne’e ba Inan Aman no Estudante sira iha Seremonia Inagurasaun Edefisiu foun Eskola  Sekundariu Tékniku Vokasional Agrikola Suku Maulau Sesta Feira ne’e.

Augostu hateten Investe iha Edukasaun hanesan Janela ne’ebe save metin;

“Labele halimar ho Edukasaun, Edukasaun hanesan uma no uma Lisan, hanesan Janela bót ida ita tama ba laran save  metin dadersan hader mai ita loke uluk janela haré ba rai Naroman ona ga lae? depois ita sai. Ita hakarak hatene Mundu tomak nia dezemvolvementu Edukasaun maka sai save, atu hadia ita nia moris kulaker iha tipu hot-hotu. Husu ho haraik-an redus ba ita nia Lisan no Kultura sira ne’e la bele halakon maibe redus. Hakarak Maulau nia oan aban bairua hamrik iha oin hakilar Maulau entaun redus ba” Hateten Augostu 21/01/2022.

Tamba ne’e nia kuntinua husu ba Inan Aman Manorin nain no estudante sira atu kuidadu edefisiu foun ne’ebe Inagura dadaun iha Suku Maulau ida ne’e,  hanesan Uma no Uma lisan basa Eskola sai hanesan Knua Matenek ba Jerasaun foun no jerasaun Kuntinuador.

“Kuidadu Edukasaun hanesan ita nia Uma no hanesan ita nia Uma Lisan, Parede sira labele hakerek hau hakarak haré, hau sei mai vizita. Hau husu Eskola tenki matak ai  labele mamuk hanesan ne’e tamba Eskola produsaun Agraria la kuda ai ida hau maka moe hau ema Agrikultura hau koiñese diak ne’e nungka mais atu husik hela mamuk hanesan ne’e ba oin atu kuda no kuida, ita bót sira hola parte iha laran” Nia Kuntinua hatutan 21/01/2022.

Alende ida ne’e Direktur Nasional ne’e husu mós ba Autoridade lokal sira tau matan  ba Manorin nain sira Kumpri regras tuir oras servisu nian, labele ejiji deit maka Direitu maibe tenki kumpri Dever hanesan ema edukador ida.

Jornalista                     : Moises da Silva Magno

Editor                          : Racom Maubisse Mau-Loko