Racom Maubisse (24/01/2022) Ba Jornalista Radio Komunidade Maubisse Mauloko Secretaria Municipio Ainaro, Aguida Judit Mendonça Hafoin de oferese apoiu hirak ne’e hateten, apoiu hanesan antes ne’e oferese ona mós ba Komunidade Uma kain ida iha Aldeia Sabago-Lau Postu Administrativo Ainaro Villa Municipio Ainaro.
Nia Kuntinua dehan apoiu ne’ebe maka ofere ne’e maka hanesan Matreal Konstrusaun ba uma nian Inklui osan, laos ne’e deit maibe oferese mós aihan no sasan Nesasidade bajiku ba ema ho Kondisaun Difesente nain ida.
“Ita ohin mai halo vizita Komunidade rua iha Maubisse, antes ne’e ita halo ona vizita ba iha Komunidade ida iha Sabago-Lau Postu Ainaro Villa nian. Rua iha ne’e antes ne’e mai tia ona, hare katak familia sira ne’e presija tebes ita nia apoia. I ida maka Difisensia tamba ne’e liu husi meus ne’ebe maka ita halo ita buka ajuda ita nia maluk sira ne’ebe maka presija” Hateten Aguida ba Jornalista RKMM 24/01/2022
Aguida kuntinua fundamenta liu tan katak; “Agora ba familia ida ne’e ita apoiu Matereal Konstrusaun ba Sira, ita mós fó netik hanesan fós oan ruma manta, iha mós esponza, biti. Fó ba sira para bele ajuda hakmám netik sira nia susar no terus ne’ebe maka sira senti. Iha ne’e ita fó iha kalen 50 besi 10m iha 12 no 8m iha 11, depois ita mós fó ho arame, simente saka 25, alende ne’e ita fo ho Osan itoan $150 Dolar Amerikanu” Nia fundamenta 24/01/2022.
Famili Kbít Lake ne’ebe Simu apoiu ida ne’e, Antonio Soares Bossa Agradese ba iha apoiu hirak ne’ebe maka oferese ona, nia dehan sira merese duni atu hatean apoiu hirak ne’e.
“Ami kbít laek duni tamba labarik sira barak tan, e nune’e mós fatin la tó ba ami. Tamba ne’e ami husu obrigadu barak, ami hetan kalen, 50 besi, simente 25 no mós ho osan itoan” Antonio Haktuir ida ne’e ba Jornalista Radio Komunidade Maubisse Mauloko 24/01/2022.
Sentimentu hanesan esprsa mos Komunidade kbít laek ne’ebe maka ho kondisaun Difisiente Samuael de Jesus.
Fatin hanesan Xefe Suku Aituto Postu Administrativo Maubisse hateten,Apoiu ne’ebe maka oferese dadaun ne’e maske naton maibe bele resolve komunidade kbít Laek sira nia halerik.
“Itoan maibe bele ona resolve komunidade sira helerik iha Suku no Aldeia. Klaru ke hanesan lider karik ita husu halerik ba ita nia Estadu hakarak ka la koi nia tenki halo hodi resolve dezempregu iha komunidade nia let” Dehan Xefe Suku ba Jornalista RKMM 24/01/2022.
Entertanto apoiu hirak ne’e oferese tamba Administrasaun Municipio Ainaro Servisu hamutuk ho Sidade Amiga Balarat Australia.
Jornalista Natalino Mendonça
Editor Moises da Silva Magno
