Governador BCTL Abrão de Vasconcelos ” Implementasaun Programa Kampu Dijital iha Maubisse Sai Ezemplu ba Fatin Seluk”

0
218 views

Racom Maubisse (15/01/2022) Governador Banco Central Timor Leste Abrão de Vasconcelos hateten ida ne’e iha Seremonia han hamutuk ho Autoridade lokal Postu Administrativo Maubisse Sabado loron 15 fulan Janeiru 2022 iha Restorante Sara Maubisse.

“Banco Central ami senti aprende buat barak tebes husi programa ida ne’e, esprensia ida ami hetan iha Maubisse ne’e hanesan esperensia ne’ebe nia folin bót la halimar. Ida ne’e ajuda Banco Central atu implemeta Programa ida ne’e iha fatin seluk ba futuru. Agora Implementasaun iha Bagia, ida ne’e nia pegalaman sira hotu iha Maubisse ne’e maka agora implementa iha Bagia” Dehan Covernador Banco Central de Timor Leste 15/01/2022.

Alende ida ne’e liu husi Intervista ne’ebe maka jornalista Radio Komunidade Maubisse Mau-Loko halo Governador Banco Central de Timor Leste  Abrão de Vasconcelos hateten;

“Hau Mai iha Maubisse atu kumprementa hela Autoridade iha Maubisse, no Entidades sira ne’ebe iha relsaun ho implementasaun Programa Kampu Dijital. Alende atu espresa ami nia agradesementu ba apoiu tomak ne’ebe durante Banco Central Simu durante tinan ida nia laran e iha esperensia barak maka Banco Central Kaña durante Implenetasaun Programa ida ne’e iha Maubisse” Hateten Governador Ba Jornalista RKMM.

Iha fatin hanesan Administrador Postu Administrativo Maubisse Luis Casimiro Lopes hateten, nia Parte Senti Orgullu tamba durante Implementasaun Programa Nasional Kampu Dijital Iha Postu Administrativo Maubisse Lao ho Susesu ne’ebe hetan mós apresiasaun husi komunidade Maubisse.

“Governador Banco Central Mai Maubisse atu hato agradesementu ida ba komunidade hot-hotu ne’ebe maka durante ne’e suporta kolabora hodi promove buat ida Kampu Dijital ne’e iha Postu Administrativo Maubisse. Orgullu mós Sr. Governador Banco Central nia lia fuan katak Maubisse luar biasa Maubisse aktividade ne’e lao ho susesu e komunidade apresia tebes maibe presija esforsu tan” Dehan Administrador Postu Administrativo Maubisse Luis Casimiro Lopes.

Jornalista                     : Moises da Silva Magno

Editor                          : Racom Maubisse

0 0 votes
Article Rating
Subscribe
Notify of
guest
0 Comments
Inline Feedbacks
View all comments