Racom Maubisse (10/01/2022) Lian Motivasaun ne’e ható husi Xefe Suku Maubisse Villa Wilson Nivio Mendonça iha Seremonia Lansamentu ba fatuk dahuluk  Konstrusaun fatin Turizmu Komunitaria iha Lakaor Rabilau Suku Maubisse Villa Segunda Loron 10 fulan Janeru 2022 foin lalais ne’e.

Wilson fundamenta ita hot-hotu hamrok ba iha Dezemvolvementu, tamba ne’e Dezemvolvementu atu lao diak Presija Unidade Paz no Servisu hamutuk basa laiha susesu karik ema ida mesak maka esforsu.

“Iha fatin ida ne’e hanesan Autoridade hau hakarak hatete deit ba imi katak ita hotu hamrok ba iha dezemvolvementu, rai ida ne’e atu ba oin ita presija dezemvovementu, dezemvolvementu ida ne’e atu lao diak ita presija unidade, paz no ita presija servisu hamutuk. Tamba laiha susesu ida ne’ebe ke ema ida deit maka esforsu ne’e laiha. Susesu baut  bót ida tamba ita hotu nia partisipasaun, kolaborasaun, no Servisu hamutuk. Tamba iha Aldeia 12 iha Suku Maubisse iha Aldeia 3 sai mai iha leten maka hetan uluk opurtunidade ida ne’e, tamba ne’e hau husu ba joven sira atu aproveita tempu ne’e diak hodi rai hela buat diak ruma ba rai ida ne’e” Tenik Xefe Suku Maubisse Wilson Nivio Mendonça 10/01/2022.

Alende ida ne’e Vise Kórdenador Warda Dezemvolvementu Turizmu Maubisse Mau-Loko Adelino Mendonça Sperito Santo, liu husi Intervista ho Jornalista Radio Komunidade Maubisse Mau-Loko iha nia mensajen hateten;

“Lia menon ba Komunidade enjeral liu-liu iha Aldeia 3 ne’ebe benefisia direita ba tenki servisu no kuidadu  nia benefisiu ne’e sei hela ho imi Laos hela fali ba ema seluk maibe ba imi, e ami mai fasilita halo buat hotu ne’ebe Governu fo mai imi maka sei benefisia” Fundamenta Vise Kórdenador Warda Liu husi Intervista ho Jornalista Radio Komunidade Maubisse Mau-Loko.

Jornalista         : Joaquim de Fátima Coutinho

Editor              : Moises da Silva Magno