Racom Maubisse (10/01/2021) Ekipa Warda Turizmu Komunitaria Maubisse Mau-Loko, hamutuk ho Autoridade lokal Suku Maubisse no Komunidade, halao lansamentu dahuluk ba Konstrusaun Sitiu Turizmu Komunitaria Lakaor Rabilau Suku Maubisse Villa.
Ba Jornalista Radio Komunidade Maubisse Mau-Loko Vise Kórdenador Warda Turizmu Maubisse Mau-Loko Adelino Mendonça Sperito Santo haktuir;
“Ohin ami hahu ona lansamentu premeira Pedra ba Konstrusaun fatin sítiu Turizmu Komunitaria ne’e. Hau iha esperansa ba Komunidade tamba nia benefisiu ne’e ba komunidade rasik hau hein katak aban ba oin komunidade ne’e rasik bele kuntinua servisu , ne’ebe hau iha esperansa ba prosesu ida ne’e tomak” Dehan Adelino ba Jornalista RKMM 10/01/2022.
Fatin hanesan Xefe Suku Maubisse Villa Wilson Nivio Mendonça kuntinua fundamenta liu tan katak, Konstrusaun fatin Turizmu Komunitaria ne’e atu lao diak liu tan Presija ema hotu nia Kontribuisaun no servisu hamutuk maka savi ba susesu.
Jornalista : Joaquim de Fátima Coutinho
Editor : Moises da Silva Magno
