Racom Maubisse, 02/01/2021, Archebispu Arquediocese de Dili Selebra Missa Epifania do Senhor hamutuk ho Sarani Paroquia Maubisse, kona ba Maromak ne’ebe hatudu-an.
Ba Radio Komunidade Maubisse Mauloko, Archebispu Arquediocese de Dili Dom Virgilio do Carmo daSilva hateten katak;
Objetivu espesifiko ida hau mai iha ne’e foin dala ida tamba mai hamutuk ho sarani Maubisse ita fo ita nia Boasvindas ba iha Irmao karidade sira ne’ebe ohin atu mai hela iha rai Maubisse, tamba ne’e ha’u rasik mak konvida sira mai hela iha ne’e tamba hare ba sira nia karisma sira nia espiritu nudar konsagrado sira mai hela iha ne’e haforsa liu tan prejensa uma kreda ninian, sira nia espiritu ne’e rasik bele kontribui ba iha servisu ajuda diak liu tan ita nia maluk sira tamba sira nia espiritu ne’e tau matan ba iha dificientes nune’e mos ba ita nia maluk sira ne’ebe mak moras mental, tan ne’e mak durante ne’e koalia ho Autoridade Lokal koalia mos ho Amu Pároco mai fo fatin halo ohin loron ida ne’e katak loron ida Maromak hatudu an ne’e ita dehan katak prejensa sira nian atu ita mos senti prejensa ida hatudu an ne’e iha sira ne’ebe moras sira ne’ebe dalaruma ema la tau matan irmao hirak ne’e Agradese kal Maromak nia harakak dunik mak ohin sira mai iha ne’e ita haksolok hamutuk simu sira,sira hela iha Maubisse laos dehan ba Maubisse deit hela iha Maubisse maibe sira nia missao ne’e sira bele tau matan ba ita nia maluk hotu ne’ebe presija sira nia tulun,Tan ne’e mak ohin mai iha ne’e ho objetivu ida ne’e hakarak hamutuk ho ita nia srani sira fo ita nia Boas vindas ba ita nia bainaka sira ne’e ne’ebe sei mai mos hola parte iha Paroquia Maubisse Rai Maubisse.”
Lider Igreja Local Diocese Dili ne’e haktuir liu tan katak;
“Dia 1 de Janeiro ne’e tinan ida ne’e ita nia Amo Papa lansa dia 1 de Janeiro sai nudar loron Mundial da paz katak tinan lima nulu resin lima liu ba ita nia Amo Papa promove Paz iha Dia 1 de Janeiro sai nudar dia mundial da paz espesifikamente tinan ida ne’e ho nia tema ne’e dehan ho dialogo mak dalan atu hari paz dialogo liu husi Edukasaun atu dehan deit ninia dialogo, mak dalan ba paz nebe, hau hanoin katak ida ne’e buat furak ida atu hari paz, e paz ne’e laos buat ida otomatiku labele koalia deit paz maibe paz atu hetan wainhira ita bele hasoru malu, ita bele koalia ita bele konfronta ita bele tau ita nia hasoru malu iha oin mak ita foin bele iha dialogo”.
Amo Papa iha tinan ida ne’e 2022 nia lansa mai ita liafuan ida dialogo, tamba ne’e hau nia mensagem ba Nai ulun sira hodi dehan Amo Papa nia konvite ne’e klaru los mai ita husik ita nia diferensa sira ne’e ba kotuk hare ba povu ne’e ita lao tinan 20 ona atu ba tinan 20 ita ukun rasik an ne’e dunik ita nia restaurasaun agora ita halo ba tinan 20 agora buat ne’ebe ita presija liu tan atu promove no hametin liu tan paz, ita presija haburas liu tan dialogo entre grupo, dialogo entre partido dialogo entre ita nia ideologias no hanoin, katak liberdade paz ne’e mak sai esperansa ba ita hotu hotu iha tinan 2022.”
Dialogo hodi kria paz no dame entre lidernas sira nomos povu importante tebes hodi kontribui ba estabilidade nasaun nune’e bel dezemvolve timor leste ida buras liu iha future.
Jornalista Natalino Mendonca
Editor Joaquim Coutinho
