Ekipa USAID Halao Enkontru ho Pontu Fokal FONGTIL Municipio Ainaro Kona ba Lalaok Sistema Saude Iha Municipiu Ainaro

1
881 views

Racom Maubisse (23/12/2021) Kinta Feira Loron 23 fulan Dezembru 2021 foin lalais ne’e, Ekipa USAID halao Enkontru ho Pontu Fokal FONGTIL Municipio Ainaro, no Surumutuk ida ne’e halao iha Edifisiu Radio Komunidade Maubisse.

Objetivo husi Surumutuk ida ne’e Kolia liu kona ba  Organizasaun Sosiadade Sivil sira ne’ebe maka nia servisu hare liu ba Area Saude no Advokasia iha Municipio Ainaro.

Liga ho ida ne’e ba Jornalista Radio Komunidade Maubisse Jestor ba Koornedasaun Sosiadade Sivil no Advokasia Maxi Tahu liu husi Via Telefone Tersa feira ne’e hateten;

“Programa ida ne’e ita kolabora ho FONGTIL ita planu atu ONG sira ne’e maka servisu liga ba saude no mos adovakasia kolia hamutuk halo advokasia ida ne’ebe forte bajeia ba dadus hodi haforsa Sistema Saude iha Timor Leste. Tamba ne’e ita ba Municipio Sira ne’e atu kordena ho FONGTIL nia Fokal Point atu indentifika ONG sira ne’ebe maka ita bele hasoru no rona sira nia programa liga ba Sistema Saude nian” Nia Hateten 28/12/2021.

Alende ida ne’e nia kuntinua hatutan Durasaun ba Programa ida ne’e sei lao durante tinan Ha’at ne’ebe liga liu ba iha Sistema Saude Iha Timor Leste.

Tamba ne’e Maxi kuntinua husu ba Organizasaun Sosiadade Sivil Sira iha Municipio Ainaro husu atu halo kolaborasaun hamutuk lian ida deit atu nune’e Povi Timor Leste bele goja diak liu tan sira Direitu Liga ba Saude no Produtu Saude nian.

“Ba ONG Lokal Sira hotu ne’ebe halao servisu iha area Saude no mos advokasia bele hamutuk lian ida deit, kolia kona ba oinsa maka povu Timor Leste bele goja sira nia Direitu hotu-hotu liga ba Servisu Saude no Produtu Saude, ne’ebe ita Espera iha Prosesu ne’e  ita kolabora hamutuk” Kuntinua hateten Jestor ba Koordenasaun Sosiadade Sivil no Advokasia liu husi Via Telefoni.

Jornalista                     : Joaquim de Fatima Coutinho

Editor                          : Moises da Silva Magno

0 0 votes
Article Rating
Subscribe
Notify of
guest
1 Comment
Oldest
Newest Most Voted
Inline Feedbacks
View all comments
Sizzlefish
2 years ago

Great content! Keep up the good work!