by

Estudante Amelia M. Araujo: Material Pratica Iha ESTVA Horaquic Maubisse Sei Menus

Racom Maubisse: Iha loron Sabadu 25 de Setembro 2021, jornalista radio Komunidade Maubisse hakat ba Escola Tecnico Vocasional Agricola Horaquic Maubisse, halao observasaun ba tos ne’ebe alunus sira uja hodi pratika kuda modo, senoura, repolho, estroberry hotan modo sira seluk, nota katak estudante sira iha boa vontade, maibe material sira hanesan, sabit besi, ensada mak sei menus.

Ba Radio Komunidade Maubisse, Estudante  Amelia Mendonca Araujo ho klase désimu primeiro ano husi esola Secundario Tecnico Vocasional Agricola Horaquic Maubisse, hateten katak, aktividades ensinu aprendisazem lao diak, maske estudante sira hasoru hela situasaun moras kovid-19 ne’ebe afeta mundo inklui Timor Leste.

Husu konaba material sira ne’ebe mak uja hodi halao pratika iha Escola Secundario Tecnico Vocasional Agricola Horaquic Maubisse, tuir Amelia katak

“Ami halao ona pratika hanesan ta rai hodi kuda modo oi oin, maibe material sira ne’ebe ajuda ami hannesan ensada, aisuak, sabit mak seidauk suficiente e mos ekipamentus hanesan traktor seidauk iha”.

Husu konaba oinsa mak bele husu tulun ba governu liu liu ministeriu relevante atu bele ajuda material sira hanesan ensada, aisuak, sabit karau dikur nomos hand traktor ida mai iha ESTVA hodi ajuda materia pratika nian iha terenu, estudante Amelia haktuir katak;

“Hanesan Estudante Husu ba governu liu liu ministeriu relevante atu bele ajuda, nune’e bele facilita estudante sra hodi bele halao aktividades pratika iha ESTVA liu liu pratika iha terenu”.

Nasaun ida atu lao diak, save importante mak edukasaun tamba edukasaun mak bele muda mundo no husi edukasaun bele kontribui ba desemvolvimentu.

Jornalista            : Natalino Meendonca

Editor                    : Joaquim de Fatima Coutinho.

Comment