by

PARCIC Distribui Material Konstrusaun Uma Ba Vitimas Dezastre Naturais 04 De April Hamutuk 25

Racom Maubisse: Organizasaun PARCIC Husi Japaun Distribui Material Konstrusaun Uma nian Ba Uma Kain 25 ne’ebe Sai Vitima ba Dezastre Naturais Iha Dia 04 De April De 2021 Iha Postu Administrativu Maubisse Munisipio Ainaro.

Ba Radio Komuinidade Maubisse iha Directora PARCIC Ito Junco hateten katak; “Familia uma kain ruanulu resin lima maka simu ona material konstrusaun hirak ne’e kompostu husi Maubisse villa ho apoiu hirak ne’e hodi tulun familia sira ne’ebe maka afeta ba iha dezastre naturais ne’ebe akontese iha fulan Abril tinan ida ne’e”.

Nune’e mos directora Parcic ne’e mos hatutan liu tan katak; “Ohin loron ami iha serimonia kikoan atu komesa distribuisaun material konstrusaun ba vitimas sira ne’ebe hetan uma estragos iha dezastre iha dia 04 de Abril de hamutuk ho Directora husi Protesaun Civil no Jestaun Dezastre iha Munisipio Ainaro e mos Adjuntu Administrador Munisipio Ainaro ami hetan dadus husi protesaun civil katak iha postu administrativu maubisse uma kain ruanulu resin lima maka sofre uma estragos no bazeia ba dados ida ne’e ami mos lao ida idak ninia fatin no identifika uma kain ruanulu resin lima maka merese dunik atu hetan apoiu ida ne’e no  material ne’ebe ke ami fahe bazeia ba lista ne’ebe ke ami hetan husi protesaun civil bazeia ba regras ne’ebe ke iha nasaun timor-leste karik uma estraga total hetan kalen, sementi, besi,  ai no prego”.

Iha dia kuatru de Abril 2021, Timor Leste hasoru situasaun sikloni ne’ebe susar tebes no ho situasaun ida ne’e lori tristesa mai Timor Leste, inklui mos posto administrative de Maubisse Maunicipiu Ainaro, ne’ebe halakon ema kuaze nain 8 to’o nain 9 nia vida, inklui uma no sasan estragus hotu.

Jornalista        : Milvia Maria

Editor              : Joaquim Coutinho  

Comment