by

Pe. Francisco S. Fernandes: Ho Covid-19 Fo Impaktu Ba Komunidade Hatubuilico, Labele Lori Produtu Lokal Asesu ba Merkadu

Racom Maubisse: Iha loron 11 fulan Setembru tinan ne’e, Padre Francisco Soares Fernandes, Vigariu Pariquia Maubisse, rezidensia Permanente iha Estasaun Misionario de Hatubuilico, hateten katak povu sira produs produtu lokal barak, maibe labele asesu ba merkadu relasiona ho Serka Sanitaria, Confinamentu obrigatoriu ne’ebé lao hela iha ita nia Nasaun tamba ne’eba Radio Komunidade Maubisse Mauloko Padre Vigariu ne’e haktuir katak:

“Ho pandemia Covid-19 ninian ida ne’e fo impaktu bo’ot teb-tebes tamba agora ne’e ita iha sistema ida ce’ek poin iha fatin hot-hotu ho kartaun Kinor vasina nian, ne’e hanesan pasaporte oan ida iha ita nia nasaun. Tamba ne’e povu sira produs produtu lokal barak maibe modo sira husik dodok iha to’os laran no inposivel atu povu sira han hotu modu ho produtu lokal sira ne’e.” dehan haktuir padre ne’e ba jornalista Radio Komunidade Maubisse Mauloko iha Aldeia Manumera-Hatubuilico.

Padre ne’e hatutan liu tan katak; “Ho Serka Sanitaria no komfinamentu obrigatoriu ne’e sai problema bo’ot ba povu sira, hodi lori produtu lokal asesu ba merkadu hodi fan nune’e bele hetan osan ruma hodi sosa han atu bele sustenta sira nia familia uma laran, maske ita hatene katak ho pandemia ida ne’e bele fo afeta ba ita nia saude, maibe ita buka solusaun se ita laiha ona dalan atu lori ita nia produtu lokal sai mak governu hanoin fohan povu, laos ho deit sesta bazika ne’ebé semana ida rua han hotu ona”.

Tamba ne’e husu ba autoridade local nivel aldeia suco, posto no municipiu atu relata ba nasional konaba situasaun ne’ebe komunidade infrenta iha baze, relasiona ho situasaun pandemia kovid-19, konaba povu nia moris.

Jornalista : Joaquim de Fatima Coutinho

Editora : Teresa Mendonça Nunes

Comment