Racom Maubisse: Ba Radio Komunidade Maubisse Mauloko iha intervista Vigariu Paroquia Maubisse Residensia Permanente Iha Hatobuilico Pe. Francisco Soares Fernandes hateten katak;
“Estrada ligasaun husi Aldeia Manumera ho Maulahulu ba Aitutu ninian grave tebes, ho estarda ne’ebe grave tebes nune’e difikulta komunidade sira hodi lori produtu local asesu ba merkadu, tamba ne’e husu ba governu, liu-liu ba iha governu lokal atu fo hatene ba governu sentral oinsa bele toma responsabilidade no tau atensaun ba dalan hirak ne’e para bele fasilita ita nia povu sira bele lori produtu lokal asesu ba iha Merkadu Nasional nune’e bele hetan rendimentu oitun hodi bele sustenta sira nia moris.” tenik nia iha loron Sabadu, 11/09/2021”.
“Padre Vigariu ne’e mos dehan tan katak, Ho Pendemia Covid ida ne’e difikulta tebes povu nia moris ho mos kondisaun nasaun ida ne’e nian ne’ebe lao ladun diak, governu tenki tau atensaun masimu ba povu sira ne’ebé moris iha area rural hodi resolve problema sira ne’ebé povu hasoru no labele sentraliza de’it iha Dili”. Dehan nia ba Jornalista Radio Komunidade Maulok.
Vigariu Paroquia Maubisse ne’e, sublina tan katak produtu lokal ne’ebé mak koñesidu iha Hatubuilico mak hanesan, repollu, Picait, modo metan, koto, fehuk ropa, aifunan, Aifuan sira hanesan Abruinhos no selu-seluk tan, maibe ho kondisaun etrada ne’ebé aat maske komunidade sira iha produtu lokal barak maibe labele lori sai ba liur tamba kondisaun Estrada ligadu mos ho moras kovid-19, difikulta tebes komunidade sira hodi asesu ba merkadu.
Jornalista : Joaquim de Fatima Coutinho
Editora : Teresa Mendonça Nunes
