by

Maubisse: Veteranus Kodigo “LABOK” Husu ba Kombatentes Ne’ebe Registo Iha 2009 Presta deklarasaun ho Lolos

Veteranus Kodigo “LABOK” Husu ba Kombatentes ne’ebe Registo 2009 Presta deklarasaun  Lolos ba Ekipa Verivikasaun dadus tuir Partisipasaun iha Luta Libertasaun Nasional.

Resprejentante Konselho Veteranos Municipio Ainaro iha Nasional Ventura de Araujo “LABOK” hato’o lia hirak ne’e iha Abertura ba Vrivikasaun dadus Kobatentes sira ne’ebe maka ReJistu iha tinan 2009 iha Postu Administrativo Maubisse Tersa Feira loron 03 Fulan Agostu ne’e. No aktividade Verivikasaun ida ne’e halao iha Sentru Juventude Postu Administrativo Maubisse.

“Simbolikamente hanesan juramentu karik hau aprejenta hau nia dadus, hau inventa karik hau sei fo’o hau nia isin hanesan karau ida ba Zona Mau-Coli, ne’e tradisaun Maubisse ninian lia fuan bad-badak deit. Nai Veteranos sira maibe agora ita seidauk hatene Veteranos ka la Veteranos, tuir ita nia bo’ot sira keisa ita bo’ot sira partisipasaun tinan ida dehan tinan ida, tinan rua dehan tinan rua. Karik ita bo’ot sira  maka ita bo’ot sira sei fo’o ita bo’ot sira nia Isin hanesan Karau inan ida ou karau aman ida ba Zona Mau-Coli.” Hateten Ventura de Araujo “LABOK” 03/08/2021.

Entertanto dadus Kombatentes ne’ebe maka Rejistu iha tinan 2009 Municipio Ainaro, Kompostu husi Postu Administrativo Ainaro Villa  3.079, mate 1.253, no mris 1.823. Postu Administrativo Hato-Udo 972, mate 199, moris 773. Hato-Builico 2.826, mate 1.520, no moris 1.306, Inklui Postu Administrativo Maubisse 3.287, mate 1.319,no moris1.986. ba Oras ne’e dadaun halao ona Verivikasaun iha Postu Administrativo Maubisse hahu uluk husi Suku Fatubesi ho total 148 mate 52, Inklui moris 132. Husi Suku Fatubesi nian  oras ne’e ekipa Nasional Municipio no Postu Administrativo,  halao hela Verivikasaun no Validasaun  iha Centru Juventude Postu Administrativo Maubisse Municipio Ainaro.

Alende ida ne’e aktividade Verivikasaun no Validasaun ida ne’e iha Maubisse Hahu Loron 3 no Sei Remata iha Loron 30 Fulan Agostu tinan ida ne’e.

Jornalista         Moises da Silva Magno

Editor              Racom Maubisse Mau-Loko

Comment