Xefe Do Suku Maubisse Villa Prokupa Ho Ahi Eletrisidade Ne’ebe Mate Lakan Hodi Difikulta Prosesu Tranfere Osan Ho Sistema Dijitalizasaun.
Wilson Nivio Mendonca hanesan Xefe do suku Maubisse Villa hato ida ne’e tamba prosesu tranferensia ho Sistema dijitalizasaun tamba ahi mate bebeik bele mos difikulta kliente sira ne’ebe maka presija lalais atu transfere osan ba iha sira nia konta liu hosi rede internet e mos rede telefoni sira ne’ebe maka rejisto ona iha konta Mosan hosi Telemor.
‘’Problema bo’ot ne’ebe komunidade Postu Administrativo Maubisse hasoru maka ita hare ba iha eletrisidade ne’ebe iku-ikus ne’e mate barak liu e bele mos to loron rua maka foin lakan. Ho ida ne’e oinsa maka komunidade sira ne’ebe asesu ba Mosan hodi krim pulsa no osan liu hosi transaksaun. Ahi ne’ebe mate laos deit impaktu ba iha telefoni atu karega, maibe’e mos linha internet hosi Telemor no mos Timor Telecom dala ruma mos Jaringan laiha’’.
Hatan ba ida ne’e Ekipa Telemor Fintech Protasio E da C.S. Bacun hateten, maske ho energia ahi eletrisidade mate maibe ne’e la fo impaktu ba iha Sistema ransferensia osan ba iha kliente sira tamba Sistema Mosan ferere seting otomatis ona maske laiha data mos Sistema transferensia nafarin lao ho diak.
‘’Eletrisidade wainhira mate sei la afeita wainhira ita bo’ot sira halo transaksaun, tamba ita uja telefoni maka halo transaksaun. No oinsa jaringan internet kuando loading lambat itoan ami nia Sistema mos ka aplikasaun Mosan wanhira ita bo’ot sira uja nia free data maske nia laiha dadus internet mos nia nafatin lao, no bele mos hili opsaun dere ba *111*123# iha telefoni rasik hodi halo transaksaun osan ba klinte sira’’.
Ho ida ne’e maske ho energia ahi eletrisidade ne’ebe mate lakan iha Postu Administrativo Maubisse sei la difikulta prosesu transaksaun ba iha kliente sira, ho dijitalizasaun ne’ebe maka Banco Central de Timor Leste lansa ona iha Postu Administrativo Maubisse Municipiu Ainaro.
Jornalista Joaquim de Fatima Coutnho
Editor Moises da Silva Magno
