Involvemento Media Hodi Dezemina Informasaun Ba Komunidade Maubisse Importante Tebes Liga Ho Programa Nasional Kampu Dijital Ne’ebe Maka Lansa Ona Iha Postu Administrativo Maubisse Tinan Kotuk.

Ho ida ne’e Jestor Radio Komunidade Maubisse Mau-Loko Joaquim de Fatima Coutinho  iha Surumutuk ne’ebe maka halao hosi Banco Central, ne’ebe maka  kolia liu kona ba Progresu programa Nasional Kampu dijital iha Postu Administrativo Maubisse, sujere  ba Banco Central de Timor Leste no Telemor atu halo mos koperasaun ho Radio Komunidade Maubisse atu fasilita habelar informasaun ba Komunidade sira iha Maubisse nu’une’e sir abele  Koinese diak liu tan programa Kampu dijital ne’e rasik tamba Komunidade Sira iha Area rural la dauk koinese diak kona ba Programa ne’e,  ne’ebe maka halao hosi Impreja Telemor  i mos Telekomcel.

 ‘’Midia hanesan Radio Maubisse hakarak  atu sujere deit ba iha Telemor ho Banco Central oinsa atu kopera ho Radio  ho mos Autoridade lokal sira Sobre Assuntu dijital ne’e, hodi fo sai bebeik informasaun kona ba ida ne’e tamba komunidade sira iha baje seidauk hatene didiak no kompriende kona ba programa kampu dijital ne’e rasik hanesan oinsa atu tranfere osan hosi fatin ida ba fali fatin seluk.Tamba ne’e ami rekomenda oinsa atu servisu hamutuk hodi atinji objetivo ne’ebe maka itahotu mehi’’.

Hatan ba ida ne’e Governador Banco Cebtral de Tmor Leste Abrao de Vasconcelos hateten katak servisu hamutuk ho Midia importante tebes hodi Kompartilla informasaun ba Komunidade sira kona ba Programa Nasional Kampu dijital iha Postu Administrativo Maubisse.

 ‘’Banco Central mos hakarak Involve Midia sira iha Maubisse hanesan Radio komunidade, servisu hamutuk hodi kompartilla informasaun kona ba ida ne’e pelo menus fulan ida dala ida. Neneik no bebeik  kleur-kleur sira influensiado hodi involve iha programa ne’e’’

Tamba liu hosi informasaun sira ne’ebe maka hato bebeik bele ona influensia komunidade sira. I mos halo tuir, tamba ho informasaun maka savi ba iha susesu. Ho ida ne’e Governador Banco Central de Timor Leste Kuntinua hatutan Maubisse maka sai haesan ezemplu ba Timor Leste  liu hosi Progrma Pilotu Kampu dijital ne’ebe maka halao ba dahuluk nian. Alende ida ne’e mos Governador Banco Central de Timor Leste Abrao de Vasconcelos Kuntinua Enkoraja Maubisse oan hotu. Hodi hateten, Maubisse hanesan fatin Istoria ba Programa kampu dijitalizasaun ba Sistema Finanseira iha Timor Leste.

Jornalista Augusto Alves de Carvalho

Editor Moises da Silva Magno