Racom Maubisse, 4/02/2025, Grupo feto Retima hetan apoiu material, ho aifunan musan husi Parcic Timor Leste hodi dezemvolve iha Knua Retima, no apoiu ida ne’e hahu husi tinan 2023 to’o 2026. Iha intervisata ba jornalista radio komunidade maubisse mauloko, Domingas Mendonca de Jesus haktuir katak;
“Fofoun ami kuda cha maibe ikus cha ne’e ladun folin entaun ami koko kuda fali aifunan maibe aifunan ne’ebe ami kuda mak hanesan aifunan krisan local mutin ho kinur deit, maibe nee ita nia aifunan local ladun folin, entaun ami foti fali aifunan oan husi Indonesia, tanba Parcic halo kontratu ho ema Indonesia, ikus Parcic mai halo mos kontratu ho grupo feto Retima, no kontratu ne’e nia durasaun tinan tolu hahu husi tinan 2023-2026, ho apoiu sira ne’ebe parcic ofrese ne’e material ho ho osan maibe osan la diretamente, liu husi sosa material sira neebe mak ami presija”.
Domingas Mendonca de Jesus hatutan liu tan katak; “Inisiu hari grupo Pilotu Aifunan Retima fofoun ami nain sia feto hotu, maibe grupo nee fahe ba rua, nain hat kuda pessoal no ami nain lima mak sei nafatin iha grupo Feto Aifunan Retima. Maibe Desafiu ne’ebe ami hasoru mak hanesan bee agora mak bee foin iha maibe foufoun ami kuda ne’e bee laiha tenki kuru husi mota mak mai rega, kondisaun Estrada mos at, tempu udan vijitante no konsumidor sira labele mai tamba tahu, Estrada kotu no ponte laiha”.
“Aifunan ne’ebe Grupo Feto Retima Produs iha Aldeia Urahou maubisse, lori ba hatama iha loja Serena Flor, kada semana depenede loja husu, entaun grupo feto retima kesi aifunan futun ida hetan sanulu deopois depende loja fan $ 5.00 ka $ 4.00, hein deit dalaruma fulan rua mak foti dala ida maibe dalaruma mos koileeta la folin la konege hatama ba loja entaun sai at”.
Tuir Domingas katak osan neebe mak grupo feto retima hetan kuaze tinan ruja ho balu besik $ 3000.00 no grupo Feto retima fahe fba membru grupo tanba sira mos presija osan atu sustenta sira nia familia, hodi selu oan sir aba escola no sosa nececidade bazika iha uma laran.
Programa Kuda aifunan ne’e, inicia husi Grupo Feto Retima Maubisse, hetan apiu husi Parcic hahu iha loron 24 Fulan Janeiro 2023 assina kontratu tinan tolu no sei remata iha 2026. Tamba ne’e, Domingas Mendonca de Jesus ne’ebe hanesan Chefe do Grupo Aifunan Retima Maubisse husu ba governu atu taumatan ba Grupo Refere, se wainhira kontratu ho Parcic remata ona, governu bele kontinua matan mai grupo feto ritima, nune’e bele kontinua dezemvolve aifunan fresku iha futuru.
Jornalista : Natalino Mendonca
Editor : Joaquim Coutinho
