Racom Maubisse, 07/10/2024, Presidente Interino Autoridade Municipal de Ainaro Ruivo Magno, husu ba komunidade sira iha Municipiu Ainaro, liu-liu Posto Administrativo de Maubisse atu apoiu másimu ba atividade Festival kultural iha Rabilau Maubisse.
Iha intervista ba Radio Komunidade Maubisse Mauloko, Presidente Interino Autoridade Municipal de Ainaro Ruivo Magno hateten katak;
“Parte Municipiu Ainaro sei apoiu másimu ba atividade husi Gabineti Prezidenti Republika, nune’e bele realiza festival kultural Rabilau lao ho diak, tamba ne’e, Husu nafatin ba komunidade liu-liu parte Maubisse atu apoiu masimu ba atividades festival Rabilau ne’e, ha’u apoiu masimu atividade ne’ebé maka husi gabineti Prezidenti republika, Iha momentu ida ne’e mós hanesan Secretariu Estadu Arte no Kultura fó ona mensazen katak, husu nafatin ba komunidade liu-liu parte Maubisse atu apoiu másimu ba atividade festival Rabilau”. Hateten Presidente Interino Autoridade Municipal de Ainaro Ruivo Magno.
Relasiona ho Festival Kultural Rabilau ne’ebe mak sei realiza iha dia 15-18 de Outubro 2024, no sei marka prezensa husi Presidente da Republica, Primeiro Ministro, Membro do Governu, Membro Parlamentu, korpu diplomatico, grupo kultural husi 13 municipiu, inklui municipiu Ainaro, nomos vijitante sira husi rai liur no rai laran, jestora ba ba RIVAM BEKRI Ainaro Sandra Maria do Seu Costa Bosa ne’ebe mos participa iha sorumutuk dala ikus nian ba festival rabilau Maubisse haktuir katak;
“Ha’u senti kontenti tanba bele mai partisipa iha Festival Kultural Rabilau ne’ebé mak sei halao iha semana oin, ha’u mai ho ha’u nia produtu local atu promove ai-han lokal sira ne’ebe sei nakfilak ba dose, liu-liu hosi fehuk, ai-farina, talas no produtu sira seluk, ne’ebe bele halo inovasaun fali ba dose”. Dehan Sandra Maria do Seu Costa Bossa.
Antes hakotu Sandra husu ba nia feto maluk sira atu la bele senti moe no tauk ka la vale iha komunidade seluk nia leet no tenki Partisipa iha eventu sira nune’e hodi bele promove produtu local ne’ebe ita iha, tamba ne’e husu ba maluk feto sira katak;
“Labele lakon oportunidade sira hanesan ne’e, ita hanesan futuru nasaun nian, ita mak teneke promove ita nia riku son ne’ebé mak iha ita nia rai, tamba ne’e husu ba feto maluk sira labele senti moe, tauk ou senti la vale iha komunidade nia leet e eventu sira hanesan ne’e ita boot sira tenki partisipa”. Rekome Sr. Sandra Maria do Seu Costa bosa.
Enkontru ne’ebe realiza iha rabilau Maubisse organiza husi Gabinete Presidensia da República lidera direta husi Secretario Estado Arte no Kultura, akompanha husi Presidente Interino Autoridade Municipal de Ainaro Ruivo Magno, Komandante PNTL Municipiu Ainaro, nomos grupo negosiante sira ho komunidade no lia nain balu iha Rabilau Maubisse.
Jornalista : Luciana Reis da Cruz
Editor : Joaquim Coutinho
