Racom maubisse 10/09/2024, Sarani rihun atus hitu resin participa iha missa solene ne’ebe prezidi husi Súa Santidade Papa Francisco iha Taci Tolu Dili Timor Leste, inklui sarani sira husi Kupão no Atambua Indonesia, Iha Homilia Papa Francisco hatete;

“Kosok Oan ida moris ona mai ita, oan mane ida Maromak haraik ona ba ita, ida ne’e mak lia fuan sira profeta Isaias hato ba ema Jerusalem sira iha tempu ida ne’ebe cidade ne’e riku los maibe infelismente dekadensia moral mos buras tebes iha rikusoin barak tebes maibe moris diak ne’e halo ema kbi’it nain sira matan delek hodi habosok sira ho ideia ida atu sae, auto sufisiente la presija ona Na’i Maromak no sira nia hanoin ida nee halo sira sai ema egoista no injustus tanba ida nee maske sidade nee iha riku soin barak, ema kiak sira sai abandonados no moris ho hamlaha infedelidade sai buras no prátika relijiosa sai menus loron ba loron sai formalidade ida deit, Mundu ida ne’ebe husi oin habosok ema ka falsu maibe subar hela realidade ida ne’ebe nakukun triste todan no kruel ho nesecidade ba konversaun. Ba laran luak misericordia no ba kura”.

Entertantu Papa Francisco Hatutan tan katak;

“Tanba ida nee Profeta haklaken ba nia konsidadaun sira katak Maromak sei loke orisonte foun uture sira futuru ida ho esperansa no haksolok iha nebe opresaun no funu sei hetan bandu ba nafatin, Na’I Maromak sei halo sira nabilan ho roman boot ida nebe sei hasai sira husi nakukun sala nian, ne’ebe hanehan no ida nee Na’I Maromak sei halo laos ho forsa liman kroat nian, laos ho kilat ka riku soin, maibe hodi haraik oan mane ida mai ita, para uitoan hodi reflete, imajen ida ne’e, Na’I Maromak halo nabilan nia roman maksoin liuhusi karan ka dom Oan Mane ida”.

Papa Francisco Hatutan Liu Tan iha nia Homilia kataka loron labarik ida nia morid moris mak momentu ne’ebe nabilan ho ksolok;

“Iha fatin hot-hotu iha mundu nee loron labarik ida nia moris mak momentu ne’ebe nabilan ho ksolok no festa nebe hamosu iha ema hot-hotu dejeisu ka hakarak diak sira atu hafoun-an iha buat diak atu fila fali ba pureza no simplesidade, iha bebe oan ida foin moris nia oin ema nia fuan ne’ebe toos liu hotu mos sei sai mamar nakonu ho ternura, ema sira ne’ebe desanimado mos hetan fali esperansa ema sira ne’ebe rende ka hakiduk mos mehi fila fali no fiar iha posibilidade atu hetan moris ida ne’ebe diak liu tan, kosok oan ida nee nia frajilidade lori ho menjasem ida neebe forte  tebes nebe taka too ba ema sira nebe fuan toos liu hotu lori fila fali hakarak ka propositu sira atu hetan armonia no hakmatek marvilhoso tebes buat nebe akontese wainhira kosok oan ida moris”.

“Ne’e hotu simplesmente roman oan ida nebe hatudu ba ita roman ida boot liu dook tamba iha moris ne’e nia abut tomak , ita hetan Na’I Maromak nia domin rohan laek nia grasa do nia providensia no nia kbiit lia fuan ne’ebe nia kria”.

“Realidade ida nee sai furak iha timor leste tanba iha labarik barak imi mak nasaun nurak ida iha nebe iha iha fatin hotu-hotu ita bele senti moris ida ne’ebe bokan hela, nafunan no ida ne’e mak dom boot ida prezensa ema foinsae barak no labarik sira kontinuamente hafoun moris matak ka freskura enerjia ksolok no entusiazmu imi nia povu nian maibe liu tan ida nee, ne’e hatudu sinal ida tanba fo fatin ba sira nebe kikliu simu sira  tau matan ba sira no halo ita an sai ki’ik iha Maromak Futar Oin no iha ema seluk nia oin sira ne’e hotu precisamente mak attitude ne’ebe halo ita nakloke ba Maromak  Nia Asaun ho halo ita-an sai ki’ik ita husu nai maromak kbi’it nain bele halo buat bo’ot sira tuir sasukat nia domin, hanesan Maria hanourin mai ita, iha magnifikat iha selebrasaun ida ne’e”.

Perante homilia Santo Padre Haklaken mos katak, ita venera  Nossa Senhora nudar liurai Feto inan Jesus nian  hakarak moris ksolok nudar kosok Oan:

“Ida ne’e duni mak Ohin ita venera Nossa Senhora nudar liurai feto katak nudar liurai ida nia inan jesus nebe hakarak moris nudar kosok oan atu sai ita nia maun alin hodi konfia Nia hahalok kbitt wain ba resposta sim! Ne’ebe mai husi inan foin sae ida kbit laek no fiar no maria kompriende ida nee diak los foba Nia hili atu kontinua sai  ki’ik nafatin iha nia moris tomak. Loron ba loron sai ki’ik liu tan hodi servi no reja hakiduk ba kotuk atu fo fatin ba jesus, maske ida ne’e susar ba Nia, atu halo wainhira Nia la kompriende didiak  buat hotu ne’ebe akontese besik ba Nia”.

“Tanba nee maun alin inan feton doben sira mai ita keta tauk atu sai kiik iha nai maromak futar oin no iha ema seluk nia oin, atu lakon ita nia moris atu fo ita nia tempu no haree fila fali ita nia programa sira husik tiha buat ruma husi ita nia-an, atu maun alin ida inan feton ida, bele sai diak liu tan no haksolok, mai ita keta tauk to’o ba redemensiona fila fali ita nia projeitu sira se ida ne’e nececario laos atu hamenus tiha projeitu sira ne’e, maibe atu halo sira sai furak liu tan, liu husi ita nia fo an rasik, no ita nia hahalok simu ema seluk no nia inprevijilidade ne’ebe buat ne’e lori ho”.

Ho nune’e Santo Padre fo sasin konaba sifnifikadu husi Kaibauk no Belak simboliza katak Kaibauk signifika husi Karau dikur no loro matan nia roman no forma tuir uma kakuluk no belak tau iha hirus matan no nia kompleta ida primeiru nia fo hanoin ita konaba fulan Nabilan, konaba rai kalan nebe ho haraik ann reflete loron matan nia roman hodi falun buat hotu ho roman mihis mamar ida futar nee signifika paz vertilidade no laran maus;

“Buat sira ne’e hotu Simbolizadu diak  los liu husi adornu ka futar rua nebe furak tebes Kai Bauk no Belak buat rua nee hotu halo husi osan folin boot signifika katak nee sasan inportante, ida primeiro, kaebauk simboliza karau dikur no loro matan nia roman no ida ne’e tau iha as hafutar rentoos nunee mos iha uma kakuluk tutun lao tuir forma uma kakuluk nian ida nee hatudu ba kbi’it, enerjia no manas no bele representa kbi’it Na’I Maromak Nian ne’ebe fo moris maibe laos ida nee deit tamba ema koloka nia iha ulun no uma kakuluk tutun ida nee fo hanoin ita katak ho roman nai maromak nia liafuan no ho forsa ho Nia graça ita mos bele serbisiu hamutuk iha planu boot salvasaun nian, liu husi ita nia escolha sira no asaun sira.

Ida Segundo, belak ema tau iha hirus matan no nia kompleta ida primeiru nia fo hanoin ita konaba fulan Nabilan, konaba rai kalan nebe ho haraik ann reflete loron matan nia roman hodi falun buat hotu ho roman mihis mamar ida futar nee signifika paz vertilidade no laran maus no simboliza inan ida nia ternura, inan ida ne’ebe ho nia domin ne’be dedikadu tebes halo nabilan buat hotu ne’ebe Nia kaer ho roman nebe nia simu husi Nai Maromak”.

Antes remata homilia iha taci tolu Papa Francisco halo kongluzaun, Kaebauk no belak forsa no ternura husi aman no husi inan nunee mak Nai Maromak hatudu nia realeza ne’ebe halo ho nia karidade no misericordia tanba nee, iha eukaristia ida nee hamutuk ita ida-idak nudar mane no feto nudar igreija no sosiedade husu grasa sabedoria atu bele reflete iha mundu roman ne’ebe forte no terna husi Maromak domin nian, husi Maromak ida ne’ebe hanesan ita hananu responsorial ohin, Nia foti ema kbit laek husi rai rahun laran no hasae ema kiak atu halo sira bele tur iha ema boot sira nia leet  iha nia povu.

Mensajem ikus iha papal nian molok remata missa iha tasi tolu, haktuir mos katak Buat diak liu ne’ebe iha Timor laos ai-kameli ka riku soin, maibe nia povu mak diak liu, Kuidadu lafaek sira nebe hakarak mai tolan imi nia kultura, Hau hato ba imi ha’u nia paz atu iha imi iha oan barak no hamnasa nafatin, Tau matan imi nia oan sira no tau matan mos ba katuas no ferik sira tanba sira mak memoria ba rai ida nee nia.

Participa iha Missa Solene ne’ebe preside husi Súa Santidade Papa Francisco iha Taci Tolu Dili mak, Primeiro Ministro RDTL ho Membro do Governu sira, Presidente da Republica, Presidente Tribunal Rekursus, Eis Primeiro Ministrio Maria Alkatiri, Eis Primero Ministro Taur Matan Ruak, Eis Presidente da Republica Francisco Guterres Luolo ho Espoza, Jenderal Falur Rate Laek, Komandante PNTL, Korpu diplomatica, Presidente Paralamentu Nasional, Membro Parlamentu Nasional, no Sarani rihun atus hitu liu, inklui sarani sira husi Kupão no Atambua Indonesia.

Ekipa Kobertura : Racom Maubisse.