Racom Maubisse 11/06/2024 Akontesimentu insendio iha fatin ne’ebe deit hanesan humanu sela espera bainhira mak akontese, maibe dala ruma mos falhansu husi ita ema ikus mai mosu situasaun sira ne’ebe la espera, nune’e mak akontese ahi han uma, han kintal no buat seluk.
Relasiona ho insendiu ne’ebe akontese iha aldeia talale suco edi posto Maubisse Ainaro, ba Radio Komunidade Maubisse Mauloko, Uma Nain Antonio Dos Reis Lopes haktuir via telephone katak;
“Ahi han uma ne’e ami mos la hatene ami sai hotu, uma taka hela no ahi matan mos mate hela depois alin sira mos sai hotu no ami mos ohin hadia Estrada no ferik oan ho labarik sira ba tia hotu eskola, derepente iha kalan ahi suar atu kontaktu katuas sira mas lina telefone laiha, tamba iha nee mos iha vizinho balu maibe la konsege salva tanba ahi han tia ona”. Haktuir Antonio dos Reis Lopes ba Racom Maubisse.
Relasiona ho ahi han uma refere iha aldeia talale Suco edi, husu konaba karik ho akontesimentu ne’e afeta ba ema ruma nia vida no oinsa sasan uma laran, via telephone Antonio esplika katak;
“Laiha ema ida mak kanek no lakon vida iha akontesimentu ahi han uma ne’e, maibe Sasan uma laran la konsege salva tanba batar mos ahi han hotu depois osan katuas sira nian tau iha au betu hamtuk $1.500 ahi han mutuk hotu, maibe agaradese tanba laiha ema ruma kanek no mate”. Akresenta Antonio dos Reis.
Tuir Antonio depois de ahi han uma refere parte familia informa kedas ba parte autoridade lokal iha kalan nee kedas nune’e bele mai foti dadus konaba akontsimentu insendiu ahi han uma refere.
Reportajem Ekipa Racom Maubisse
