USAID AVANSA SAN Realiza Treinamentu Loron Ida konaba “Sistema Ai-han ho Nutrisaun Ba Lideranca Komunitariu ho Grupo Agrikultor Iha Maubisse”

0
85 views

Racom Maubisse-2024, USAID AvansaSAN Realiza Surumutuk Loron Ida hamutuk ho Autoridade local, lideranca komunitariu, Extensionista ho komunidade agrikultor balun iha salaun madre Carmelita Maubisse hodi koalia konaba Projeitu Avansa “Sistema Aihan no Nutrisaun Iha Maubisse”.

Relasiona ho surumutuk koanba Projeitu Avansa Sistema Aihan no Nutrisaun Iha Maubisse, ba Radio Komunidade Maubisse Mauloko, Jose Maria Alves Hornai  hanesan Projek manejer hateten katak;

“Projetu avansa diferentes ituan ho ida avansa agrikultura ne’e, karik uluk balun  involve ona iha avansa agrikultura orsida hau sei esplika oinsa nia lalaok servisu sira, projetu ne’e nia fundus nafatin husu USAID, maibe nia naran deit mak muda ituan  SAN  sanagrikultura agora SAN  Sistema aihan nurtisaun, serbisu hamutuk ho parseiro lokal ruamak hanesan HIAM-HEALT ho CCT. HIAM-HEALT sei hare liga ba Saudi nian ho nutrisaun, CCT (Cooprativa Café Timor)  hare ba grupo agrikultura ne’e duni iha prosesu ne’e tomak servisu iha grupo 2, grupo ida hare ba parte  nutrisaun  no ida seluk hare ba parte agrukultura  nian”. Haktuir Jose Maria Alves Hornai.

 Iha Fatin hanesan Koordenador Floresta Posto Maubisse, Alarico dos Reis Mendonça iha nia intervensaun hateten katak;

“Apresia  ba iha programa AVANSA  nebe mai iha postu Maubisse, tamba ne’e lori Ministerio agrukultura nia naran hakarak hato’o katak, ba future ita sei servisu hamutuk, tamba ne’e fo hanoin hela ba inan aman agrikultor no grupo agrikultor sira nebe ohin prejensa iha nee katak ita boot sira aproveita didiak ho oprtunidade nebe trinador sira fo nee, tamba liu husi treinamentu sira hanesan ne’e, atu hakbit ita boot sira nia konesimeto, oinsa atu hasae produtu ho kualidade, tamba ne’e husu nafatin ita boot sira atu kuda aihan ho variedade oin-oin, tamba atu koresponde ba ai-han  nutrisaun, ita tenki hetan ai-han sira nebe mak nakonu ho nutrient, atu nune bele fo nutrisaun diak ba ita, liu-liu ba ita nia oan kik-oan sira nebe mak agora dadaun sira iha hela nivel estudu, tamba ita koalia kona ba nutrisaun entaun ita tenki hetan hahan sira nebe mak husi ita nia produtu lokal, entaun hau fiar katak iha treinamentu ida nee husi Avansa ninian mak atu mai fo treinamentu nune’e hasae ita ninia konesimentu”.

Nune’e mos iha fatin hanesan reprezentante Chefe do Suco Maubisse Villa, Fransisco Martins haktuir mos katak;

“Hanesan Chefe Aldeia Villa e mos hanesan Reprezentante Chefe do suco, Ha’u senti ita Maubisse ne’e maioria mak hanesan ema agrikultor, tamba ne’e mak ita precisa iha korajem nune’e bele participa iha treinamentu sira nune’e ho maksimu, tamba oportunidade sira hanesan ne’e mai dala ida no sei la mai dala rua, ne’ebe nudar Maubisse Oan moris nudar ema agrikultor diak liu programa sira hanesan ne’e tenki tuir hodi bele aumenta ita nia kapacidade, karik ba future programa hanesan ohin mensiona mak mai karik ita pronto atu simu no implementa iha ita nia grupo, bairo nune’e bele suporta ita iha vida ekonomia uma laran nian, nomos iha parte seluk it abele konsumu nune’e familia bele hetan nutrisaun diak”. Hakotu Chefe Aldeia Villa Fransisco Martins.

Tuir lema saude nian katak “ita nia saude iha ita nia liman rasik, tamba ne’e konsumu aihan ne’ebe nakonu ho nutrisaun, nune’e mos lema agrikultura nia haktuir mos katak kuda produtu ne’ebe iha nutrisaun, no konsumu aihan ne’ebe iha nutrisaun nune’e bele fo saude diak ba ita nia-an, basa ita nia saude iha ita nia liman rasik”.

Treinamentu ne’e halao loron ida, iha salao enkontru madre karmelita Maubisse nian, no hetan participasaun husi Lideranca komunitariu, autoridade local, instituisaun relevante ne’ebe existe iha Maubisse, Estudante no ekipa USAID Avansa SAN.

Jornalista         : Meliana Alves Lemos & Juvito Maria Nunes

Editor              : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments