Racom Maubisse (17/01/2024) Komemora Loron Exitensia Unidade Polisia Militár (UPM) Ba Dala 19, ho Seremonia Inaugurasaun Monumentu Sadozu Venancio Ramos Amaral Ferraz  Mahein ba Polisia Militár (PM).

Liu husi Diskursu Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” hateten, ho komemorasaun aniversariu Polísia Militar (PM)   dala 19 ba tinan ida ne’e hanesan momentu espesial tamba hamutuk ho Heroi no Funu Nain ida ne’ebé FALENTIL sira respita iha tempu luta ba Libetasaun Nasional   Saudozu Venancio Ramos Amaral Ferraz nia monumentu  hanesan Patronu ba  Polisia Militár (PM).

“Komemorasaun loron Unidade Polisia Militár nian iha tinan ida ne’e espesial tamba hamutuk ho ita Komandante bót ida no Heroi ida ne’ebé Funu Nain FALENTIL sira hotu respita no admira. Saudozu Venancio Ferraz nia karakter no prinsipiu nudar Komandante ohin loron ita marka tan historia foun hodi inaugura monumentu Saudozu Venancio Ferraz sai hanesan Patronu ba Unidade PM, hau konsidera Saudozu Ferraz sai hanesan orientador no inspirasaun ba Militár hotu-hotu iha Timor-Leste.” Dehan Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” iha seremonia inagurasaun Saudozu Venancio Ferraz nia monumentu iha Unidade Polísia Militár kintal bót Dili, kuarta (17/01)

Tenenti General esplika sakrifisiu no didikasaun Saudozu Venancio Ferraz nian sai inspirasaun ba Militár hotu-hotu ho nia monumentu ne’e sai hanesan Patronu ba Unidade PM.

“Dignifika Komandante Venancio Ramos Amaral Ferraz tamba reprejenta Istória legadu no Hondra tamba nia karakter  no prinsipiu  núdár Komandante. Imajen husi Komandante Ferraz ne’ebé hili husi Sr. Jenerál Lere Anan Timur núdár Patronu ba Unidade importante ida ne’e hau konsidera dezisaun ne’ebé los atu orienta no fó inspirasaun ba Militár sira hotu nia Asaun. Sakrefisiu husi Patronu iha momentu difisil ba Luta Libertasaun Nasionál sei inspira ita bót sira nia servisu liu-liu iha toma dezisoens no komportamentu lor-loron nian hodi respeita no dignifika Komandante no Soldadu sira seluk ne’ebé ho aten brani no determinasaun bele hakerek Timor Leste nia naran iha Mapa  Mundu hanesan Nasaun Soberanu no Indepedente,” Dehan Jenerál Falur Rate Laek Liu Husi Diskursu.

“Komandante Ferraz Nia Memoria sei moris iha Unidade ida ne’e, laos deit ezemplu ba Militár sira deit maibe ba Timor-Oan sira hotu iha tempu ne’ebé deit. Mai ita fó Hordra ba Veteranu Militár sira hotu ne’ebé nafatin servi ho Lealdade iha Instituisaun F-FDTL balun lakon sira nia moris tamba problema saúde, no balun sei hamutuk ho ita maibe lao kleuk hotu ona, ne’e maka servidór lolos iha prosesu Dezemvolvementu Nasionál ne’ebé merese ita hotu nia respeita no konsiderasaun,” Hakotu   Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek”

Biban hanesan Tanenete Jenerál Reformadu Lere Anan Timur Fundamenti nia Parte disidi tau Saudozu  Venancio Ramos Amaral Ferraz Sai Patronu ba Polisia Militár (PM). Tamba koiñese diak no moris hamutuk ho Saudozu Ferras.

“Hau disidi foti Nia sai Patrono Polisia Militár tamba hau koiñese nia, hau moris hamutuk ho Nia. Komandante Ferraz hau bele dehan katak entre ami Lider sira Nia diferente duni, ema ida ne’ebé determinadu la lakon Ninia esperansa ita hotu hatene Istória naruk Rejistensia ninian kuandu Baje de Apoiu rahun ema ida ne’ebé hanoin atu Ukun Rasik-An ba hau hanoin katak atu mate. Saudosu Ferras ho Ninia efektivu sira husi Liquisa ninian, Same Nia maka komanda sira la lakon esperansa katak enkuantu ita sei moris ita sei halo buat ne’ebé ita bele, ita sei tó buat ne’ebé ita hakarak so kuandu ita mate maka foin hakotu ita nia esperansa” Fundamenta Jenerál Reformadu Lere Anan Timur.

“Hau agradese ba Komandante Falu bele fó kuntinuidade ba obra ida ne’e, se Polítiku karik ohin loron la tau Ferraz sira mai buak fali e la halo tan. Mais hau nia Maun Komandante Falur ami núdár Veteranu ami terus hamutuk saida maka halo la hotu nia tenki fo kuntinuidade, saida maka halo la diak nia tenki mai hadia, saida maka hau halo diak mai halo diak liu tan”, Hateten Jenerál Reformadu Lere Anan Timur.

Reprejentante husi Familia Saoduzu Venancio Ferraz Mariano Malik lori Familia Munisípiu Ainaro nia naran Espesialmete ba Aldeia Fatumera agradese ba Konstribuisaun no partipasaun husi partes hotu iha momenntu imprtante ne’e.

“Reprejenta familia hamrík iha ne’e atu agradese ita bót sira hotu ne’ebé partisipa iha Seremonia Inaugurasaun Estatua Saudozu Venancio Ferras Nian. Ami ho fuan no laran nakonnu ho orgullu no kontenti iha ami nia fuan tomak, ható sentimentu profunda ba ami nia Maun, Tiun, Avo, ami nia Primu Komandante Saudozu Venancio Ferraz. Ami Familia ho Mate Restu sira hotu husi Munisípiu Ainaro espesialmente Aldeia Fatumera hakarak ható agradesementu ba Komadu Jeral F-FDTL ne’ebé maka rekoiñese no hili hatúr Komadante Ferras sai Patronu ba UPM hanesan aktu rekoiñesementu bót tebes ba Saudozu nia luta ba Ukun Rasik-An (URA)”

Malik Lori Familia nia naran Agradese mós ba Jenerál Reformadu Lere Anan Timur tamba hola dezisaun hodi  disidi harí Monumentu Saudozu Ferras Nian Iha Unidade Polisia Militár, Kuntinua husi Aktual Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” hodi finaliza nia konstrusaun no Inaugura iha Loron 17 Fulan Janeiru 2024.

“Ható mós ami nia agradesementu ba Jenerál Sesante Komandante Lere Anan Timur  ne’ebé maka hola dezisaun hodi inisia ba harí Estatua Saudozu nian iha UPM. Agradese mós ba Komandante Aktual Jenerál Falur Rate Laek ne’ebé maka iha vontade hodi kuntinua ba harí Estatua ne’ebé tó ohin loron ita hotu bele Inaugura. Agradesementu ba Governu liu husi Komandu Jerál F-FDTL ne’ebé maka hili ona Saudozu Ferraz sai hanesan Mahein ba Polisia Militár ne’ebé diriji husi Jenerál Sesante Lere Anan Timur, no kuntinua mós husi Jenerál Aktual Falur Rate Laek hodi konstroi Saudozu nia Estatua”. Tatoli Lian Agradesementu husi Familia Saudozu Venancio Ferraz.

Antes terminia lori familia nia naran ható mós agradese ba Autoridade Lokal Munisípiu Ainaro, Autoridade Komunitaria Suku Ainaro, Konsellu Veteranos Ainaro, Lia Nain inklui entidades relevantes sira nia kontribuisaun to finalizasaun obra ne’e.

Alem de Konstrusaun ba obra ne’e hetan aprovasaun husi Jeneral Reformadu Lere Anan Timu iha Loron 22 Dezembru 2021, no tau fatuk dahuluk iha loron 20 Fulan Juñu 2023, Inaugura husi Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” Loron 17 Fulan Janeiru 2024.

Entertantu Konstrusaun ba Obra ne’e ho totál Orsamentu Dolares Rihun Walu, Kontribui husi Membru Unidade Polisia Militár (UPM) kada membru  Kontribui Dolar Ha’at Nolu.

Tuir dadus ne’ebé Rádiu Komunidade Maubisse Mauloko Asesu Husi  Mídia F-FDTL NAVAL, Membru PM total hamutuk 259 maibe balun mate, balun transferensia ba komponente sira seluk no balun Rezikna-an ba vida politika. Agora dadaun membru PM efetivu hamutuk 220 ho efetivu ne’ebé iha agora destaka iha fatin 8 mak hanesan Kuartel Jerál postu Manduki, Posto Baucau, Sentru Instrusaun Orden Nikolau Lobato (SIONL), adidu sentru Covid-19 kursu inglesh no portuges iha (SIONEL) kolokasaun ba seguransa autoridade hamutuk fatin 11 mak hanesan fo seguransa ba Eis Prezidente da Republika, seguransa ba Primeiru Ministru (PM), seguransa ba Ministru Defeza (MD), seguransa ba Xefe Estadu Maiór Jenerál F-FDTL, seguransa ba Xefe Estadu Maiór Jenerál F-FDTL Reformadu, seguransa ba Vise-xefe Estadu Maiór Jenerál F-FDTL no seguransa ba Komodoro. Efetivu agora dadaun iha Unidade PM hamutuk 70.

Jornalista                     Moises Magno

Editór                          Joaquim Coutinho