Racom Maubisse (22/12/2023) Inan Carlota Mendonça Senti Tristi Tamba Uma Naroman ba Povu (UNP) Ne’ebé Nia Hetan Laiha Mobiliariu Iha Uma Laran
Inan Feton Carlota Mendonça Fátima husi Aldeia Bertai Suku Liurai Postu Administrativu Maubisse Munisípiu Ainaro. Ható nia setimentu Trsteja ne’e liu husi Intervista ho Jornalista Rádiu Komunidade Maubisse Mau-Loko Sesta feira ne’e iha Sede Suku Liurai Postu Administrativu Maubisse.
Tuir Inan Feton Carlota Mendonça Fátima katak;
“Uma ne’ebé hau hetan diak tia ona maibe sasan uma laran seidauk kompletu tamba ne’e hau seidauk tama ba hela. Hau hare ema seluk nian sasan kompletu maibe hau tristi tambasa hau nian laiha no la kompletu hanesan sira seluk. Ami ferik ona ne’e uma ne’e ami uja itoan deit ami nia uma maka estadu haruka tia ona mai maibe sasan iha Uma laran seidauk kompletu ne’e.” Hateten Benefisiuariu ne’e 22/12/2023.
Tuir Xefe Suku Liurai Postu Administrativu Maubisse Munisípiu Ainaro António de Graca de Araujo hateten nia parte rekuiñese prokopasaun Komunidade nian ne’e. Tuir Liederansa Komunitariu ne’e katak uma pronto ona maibe Komunidade ne’ebé hetan seidauk bele hela tamba Fornesedór sira seidauk instala sasan Kompletu iha Uma laran liu-liu maka Mobiliariu sira.
“Uma ne’ebé hanesan Projetu Pilotu UKL (Uma Kbít Laek) Muda ba Ho naran UNP (Uma Naroman ba Povu), komunidade seidauk ba hela iha uma ne’e tamba Mobiliariu ba iha Uma laran ne’e seidauk iha. Tamba ne’e maka Komunididade sira ne’ebé maka hetan uma ne’e seidauk ba hela tamba fornesedór sira seidauk pronto para tau sasan iha Uma laran. Tamba iha fatin seluk Mobiliariu iha Uma laran sira ne’e kompletu mais parte fali mai Suku Liurai ne’e sasan Uma laran laiha.” Hateten Xefe Suku Liurai
“Hanesan Lideransa Komunitariu atu dehan ba ekipa sira ne’ebé maka servisu iha Postu Programa PNDS nian ba tó iha Munisípiu hakarak ka lakohi sira tenki prepara Mobiliariu ba uma ne’e hanesan mós komunidade sira iha suku seluk atu núne’e povu sira simu ne’e sira bele ba hela ho kontenti.”
Totál Uma UNP ne’ebé tama iha Suku Liurai Hamutuk Uma 12, iha uma tolu maka finaliza ona konstrusaun maibe Komunidade seidauk ba hela tamba seidauk tau Mobiliariu, no seluk sira iha faze Konstrusaun nia laran Tenik Xefe Suku.
Iha fatin hanesan Fasilitador ba Programa Nasional Dezemvolvementu Suku (PNDS) Postu Adminisrativu Maubisse Agostinho Doutel Sarmento Konfirma katak problema hanesan laos akontese deit iha Suku Liurai maibe akontese mós ba Suku sira iha teritóriu Nasional. No ba Postu Administrativu Maubisse iha Suku 7 maka uma Naroman Ba Povu Ne’e entrega ona ba nain maibe iha balun laiha Mobiliariu iha Uma laran.
“Atu kolia kona-ba UNP iha Suku Liurai, laos iha Suku Liurai deit kuaje Suku iha Timor Laran tomak, espesial iha Postu Maubisse ne’e iha Suku 9 iha Suku 7 maka ita intrega ona suku 7 ne’e mós laos dehan hot-hotu Mobiliariu iha Uma laran ne’e ita sosa hotu lae depnde jentaun ka aprovisionamentu ne’ebé kada Suku. Liga mós ho Suku Liurai ne’e los duni UNP premeiru tó agora seidauk entrega tamba ita hare husi parte premeiru husi badaen, sigundu ita hare mós husi fornesedór sira ne’ebé fornese matreal ne’ebé maka iha. Tamba ida ne’e maka uma ida UNP premeiru ne’e dada tó agora, ne’ebé sira kestiona ida ne’e uma ne’e mós seidauk hotu agora ami sei hare hela tamba iha buat itoan-itonan seidauk hotu wainhira halo hotu maka ami foin hare sira nia osan ne’ebé iha Suku ne’e liu-liu uma tolu ne’e osan sei iha ga lae. Se osan sei iha maka ita foin haré Mobiliariu tuir sira nia osan restu ne’ebé iha tamba tuir planu $17 Mil ne’e laos atu sosa sasan uma laran maibe tuir Dezeñu ho BOQ.” Relata Fasilitador ba Programa Nasional Dezemvolvementu Suku (PNDS) Postu Adminisrativu Maubisse Agostinho Doutel Sarmento
“Suku Liurai ita seidauk hare dehan osan restu hira mai Suku sira seluk iha Suku balun ami entrega duni uma deit hanesan iha Manetu ami entrega maka uma deit. Se iha osan itoan pronto sira sosa deit sasan itoan rai iha uma laran tuir kondisaun ne’ebé iha idak-idak nia Suku. Parte ida seluk depende ekipa iha Suku ne’e maka nia jere tamba ita dehan nain maibe nain maka iha Suku ne’e premeiru Benefisiuariu ne’e se nia kontribuisaun maka hodi halo uma ne’e entaun osan resin ne’e barak hela entaun ita bele dehan sira simu uma ne’e ho Mobiliariu hanesan ita hare iha Suku Fatubessi nian. Mais kuandu kontribuisaun Uma Nain laiha buat hotu ita liga ba osan deit tó ikus osan ne’e hotu tia ita labele halo buat ida. Entaun importante maka uma ne’e maibe iha Suku Liurai ne’e ita sei hare hau sei konfirma fali ho Finansas hare tia hotu dehan osan sei resin sei iha buat balu tan sira sei hadia iha ne’ebá se hotu ona maka osan ne’e sei resin planu para hatama Mobiliariu hodi bele entrega.” Hakotu Direjente PNDS Postu Administrativu Maubisse Munisípiu Ainaro.
Jornalista Moises Magno
Editór Joaquim Coutinho
