Maubisse (22/11/2023) Informasaun ne’e relata direita husi Prenzidente Konsselu Fiskal Kombantentes Libertasaun Nasional Angelho de Almeida Gudinho Kódiku AITARA liu husi Intervista ho Jornalista Rádiu Komunidade Maubisse Mau-Loko (RKMM) Kuarta ne’e iha Estudiu Rakom Maubisse hafoin fiskaliza prosesu Verifikasaun dadus Veteranos rigistradu 2009 nian iha Postu Administrativu Maubisse Munisípiu Ainaro.
Liu husi intervista Prezidente Konselu Fiskal, Kombatentes Libertasaun Nasional (CCLN Sigla Postugés) AITARA hateten;
“Dala barak ema hanoin Kosellu maka ida deit Administrasau, Konsellu Veteranos CCLN ne’e ita iha Konsellu tolu maka Konsellu Administrasaun maka Sr. Riacleman maka Prezidente ho nia Vise nain tolu, Tuir fali iha Konsellu Fiskal hau ata duni maka hanesan Prezidente ho hau nia Vise ho membru nain tolu ho ekipa tékniku sira, núne’e mós iha tan Konsellu ida maka Konsellu Disiplinar ne’ebé maka Sra. Felizidade hanesan Prezidente ho nia membru sira lubuk ida inklui Sr. João Travolta ne’ebé agora ami rua iha ne’e”. Relata Eis Prizioneriu Polítiku ho Kódiku AITARA 22/11/2023.
Kona-ba knár no servisu Husi Konsellu tolu ne’ebé mensiona dadaun ne’e maka hanesan;
“Hanesan ohin fó hatene tia ona katak CCLN ne’e iha Konsellu tolu, Konsellu Administrasaun nia knár ne’e halo rejistu no halo verifikasaun ba dadus Veteranos sira. Kosellu Fiskal atu hare kona-ba papel Fiskalizasaun, Investikasaun e Aditória. Mós Konsellu Disiplinar nia hare kona-ba papel disiplina ninian, Normas no Regras sira ne’ebé maka tenki lao tuir lolós atu núne’e lori Konsellu ne’e lao tuir buat lós tuir valores ne’ebé maka sita iha Artigu 4 ba ami kona-ba Demokrásia, Igualidade, Transparansia, no Indepedensia informasaun ninian ba servisu tomak”. Esplika Prezidente Konsellu Fiskal CCLN.
Enkuantu husi sorin seluk relasiona ho Verifikasaun dadus Veteranos 2009 ne’ebé oras ne’e dadaun lao iha teritóriu Nasional inkluindu Postu Administrativu Maubisse Munisípiu Ainaro Direjente CCLN ne’e kuntinua fortifika liu tan katak;
“Ita bót sira hatene katak, iha Minitériu Asuntu Veteranos hahú kedas iha Otubru nia laran fó sai mandatu ida ba iha Konsellu Veterano atu bele halo kuntinuasaun servisu verifikasaun dadus ba sira ne’ebé maka rejistu iha 2009 ninian. Tamba ne’e maka husi Konsellu Administrasaun halo nia servisu kona-ba verifikasaun dadus ninian, entaun konsellu Fiskal untegradu ho Konsellu Disiplinar halao servisu ba monitorízasaun. Monitrorízasaun ne’ebé ami halo ne’e konsentra ba iha pontu tolu premeiru ami hare ninia enkuatdramentu Jurídiku ne’e lao duni tuir Lei ka lae tantu ba iha ita nia verifikadores sira núne’e mós ba iha maluk sira ne’ebé mai hola parte atu fó onformasaun. Sigundu ami hare kona-ba ita nia atendementu katak ita nia lalaok ne’e tenki hatudu ita nia profisaun profisionalizmu ninian trata ema ne’e ho dignu kolia ho diak serake ita tama ona iha normas ne’ebé maka diak ka lae. Terseiru utilizasaun de verba osamentu ne’e rasik ita uja halo nusa, uja diak ka lae, nia knal no fonts ne’e mai halo nusa, tamba ne’e maka pontu tolu ne’e sai hanesan ami nia papel importante atu hare ajuda likus atu oinsa Konsellu ne’e bele iha krebilidade no iha ninia indepedensia servisu ne’ebé maka hatúr prestasaun ba profesionalizmu tramparensia e Boa Governasaun, agora mai iha Maubisse ne’e hanesan faze ikus ne’ebé atu remata ona”. Esklarese Prezidente Konsellu Fiskal CCLN nia ba Komunidade sira liu husi Intervista ho Jornalista RKMM.
Jornalista Moises Magno
