Maubisse (11/07/2023) Tersa Feira ne’e Direktur Servisu Asaun Sosial Munisípiu Ainaro halao enkontru Autoridade lokal no Komunitaria Postu Administrativu Maubisse Munisípiu Ainaro.

Objetivu husi surumutuk ida ne’e maka atu sosialija informasaun ba kona-na apoiu kaixaun no Kareta Funerariu ba familia kbít laek sira, ne’ebé lakon vida wainhira familia laiha kbít no forsa atu sosa Kaixaun unklui aluga kaerta.

Ba Rádiu Komunidade Maubisse Mau-Loko Direktur Asaun Sosial Munisípiu Ainaro Shiquito de Almeida informa, Diresaun ne’ebé agora dadaun nia lidera ba hanesan Diresaun foun iha Munisípiu Ainaro, tamba ne’e imprtante tebes atu dezemina informasaun hirak ne’e ba iha Autoridade Lokal no Autoridade Komunitaria sira iha baje.

“Objetivu ami mai iha ne’e atu halo dezaminasaun informasaun kona-ba Diresaun ami nia ne’e foun, e mos ohin iha ne’e ami atu fó informasaun kona-ba fornesementu kaixaun ba ita nia ema kbít laek, sira no mós apoiu Kareta Funerario ba Maubisse en jeral ba Munisípiu sira hotu, ida ne’e mak ami mai atu fahe informasaun ba iha Xefe Suku nain 9 ho konsellu Suku no mós Aldeia sira para sira bele hatene katak Diresaun ne’e agora estabelese ona oinsa atu bele fó atendementu ba komunidade sira iha Munisípiu Ainaro, ami hahú ona iha Ainaro, agora iha Maubisse, depois ami sei kuntunua ba Hato-Builiku, no Hato-Udo.” Tenik Direktur Asaun Sosial Munisípiu Ainaro 11/07/2023.

Direjente Asaun Sosial Munisípiu Ainaro hatutan depois de dezeminasaun ida ne’e kaixaun sira hanesan mesiona dadaun sei tau iha Postu Administrativu Maubisse núne’e bele fasilita diak liu tan Komunidade sira wainhira hetan susar hanesan mate ou lakon vida. No wainhira hetan apoiu ida ne’e presiza Deklarasaun husi Xefe Suku no Matebian nia Kartaun Eleitoral inklui husi Familia Mate Bian nian.

“Agora dadauk iha faze informasaun depois kaixaun ami lori mai tau iha ne’e komunidadae nebe’e mate ba lori ho deklarasaun hosi Xefe Suku sira, sira nebe’e presiza mai hotu iha Administrasaun Postu Maubisse bele foti deit iha ne’e maibe karik ba oin kaxaun lori mai tau ona iha ne’e. Kona ba prosesu atu foti kaixaun ba atu tau mate ne’e ami sei hein deklarasaun mai hosi Suku mós ho mate ne’e rasik nia kartaun Eleitoral ho mós familia nebe’e moris ne’e nia kartaun Eleitoraol e deklarasaun ne’e hosi Xefe Suku Assina ami sei halo tan deklarasaun ida atu akompaña e Administrador Assina hau mós Assina mak foin bele foti kaixaun para atu ami halo pagamentu fasil. Kaixaun sei lori mai tau iha Postu Administrativu Maubisse para bele Fasilita ita nia ema kbít laek sira atu nune’e sira labele ba tó Ainaro”.Haktotu Shiquito de Almeida Direktur Asaun Sosial Munisípiu Ainaro

Fatin hanesan Administrador Postu Administrativu Maubisse Claudino Mendonça hateten;

“Atu fo atendementu ba ita nia komunidade Munisípiu Aileu, Manufahi no Ainaro nebe’e mak mai Baixa iha Hospital Referal Maubisse bainhira mate sempre husu kaixaun entaun iha ne’e kaixaun la preparadu ho preokupasaun hirak ne’e hotu maka ita halo pedidu ba iha Nasional tamba ne’e agora kaixaun mai ona iha ne’e hodi fó atendementu besik liu ba ita nia komunidade sira nebe’e presija. Postu Adminitrativu Maubisse hanesan Postu ida nebe’e nia Populasaun barak liu iha Munisípio Ainaro ho nia totál nia Populasaun tuir Sensus Populasaun atinji ona 31.612, agora ita nia komunidade nebe’e Infrenta susar hanesan mate ou lakon vida sempre halo pedidu ba iha Munisípio Ainaro depois prosesu ne’e mós dók ho Viajen nebe’e naruk tamba ita hatene katak ita nia komunidade maioria kbít laek tamba tuir regras katak kareta funerariu labele tula kaisaun mamuk tenki tula ho mate entaun komunidade kbít laek oisa maka sira infrenta hela susar dadauk oinsa maka buka tan kareta hodi tula tan kaixaun husi Munisípiu Ainaro mai tan, tamba ne’e agora agradese bele fo atendementu lais no besik liu tan ba ita nia komuidade sira ne’ebé hasoru susar iha Postu ida ne’e.” Tenik Administrador Postu Maubisse Munisípiu Ainaro.

Tamba ne’e ba Familia ne’ebé atu hetan Apoiu ne’e Presija Deklarasaun husi Xefe Suku iha Suku ne’ebé maka nia hela ba.

Jornalista Moises Magno

Editor Joaquim Coutinho