DIREKTUR AJAR JOSÉ LUIS OLIVEIRA HATETEN, MEDIA SOSIAL AJUDA ITA HETAN INFORMASAUN HO LAIS, MAIBE SEI IHA EMA BALUN UJA LA HO RESPONSABILIDADE HODI ESPALHA INFORMASAUN FALSU

0
38 views

Maubisse (10/07/2023) Direktur AJAR Timor Leste José Luis Oliveira hateten ida ne’e ba Jornalista Rádiu Komunidade Maubisse Mau-Loko (RKMM) Segunda feira ne’e iha Maubisse wainhira Sai hanesan orador ba Semináriu Rejionál ba Komemorasaun Loron Nasional ba Funsaun Públika ba dala-9 ho tema (Influénsia Rede Sosiál ba Dezempeñu Servidor Públiku).

“Ajuda tebes ita oinsa informasaun ne’ebé maka ita hetan bele fahe lalais, desvantanjen maka ne’e dala barak ema balu laiha reponsabilidade atu espalla informasaun sira ne’ebé maka falsu e depois dala barak mós uja opotunidade sira hanesan ne’e atu halo desfamasaun ba entidade ruma”. Hateten Direktur AJAR Liu husi Intervista ho Jornalista RKMM 10/07/2023.

Tamba ne’e tuir Prespetiva Sosiedade Sivil nian kona-ba Vantajen no Desvantajen husi Media Sosial ba servidor Públiku katak;

“Agora ita husi Funsaun Públiku maka ita tenki hatene media sosial nia vantanjen no desvantajen hodi ita bele jere ita nia servisu sira ne’e hodi orienta media sosial ne’e ba buat ne’ebé positivu dala ruma media sosial hanesan divulga buat ruma relasiona ho ita nia servisu ita tenki konsidera no tenta foti medidas atu hadia e koko mós atu hatan buat ruma ne’ebé maka ho lolos. Iha ambitu komemorasaun loron Funsaun Publiko nian ba dala sia, komisaun Organizarora konvida mos hau mai sai Orador hodi koalia kona ba Influensia Media sosial ba Desempenho servidor Publiko nian.ne’e hanesan Inisiativa diak tebes tamba Funsaun Públiku sira komesa tau konsiderasaun oinsa existensia media sosial nudar realidade ida ke ita labele ses iha tempu milinial ida ne’e. Ne’e duni oinsa ita atu komesa elabora, explora existensia media sosial ida ne’e hodi hadia prestasaun servisu Funsaun Públiku ne’eduni ohin iha hau nia Intevensaun Hau koalia kona ba saida mak Media sosial nia vantazen no des vantazen no oinsa atu uja media sosial atu mellora prestasaun serbisu hosi Funsaun Públiku ne’e nian. Pozisaun ne’ebe’e maka iha tendensia atu ba defamasaun uja ID falsu ne’e tamba dala barak la akontese komunikasaun entre parte nebe’e presta serbisu ho nue’e mos hosi ema nebe’e mak hato divulgasaun sira ne’e tamba dala ruma la akontese komunikasaun nune’e ema balu komesa uja buat ne’e ba buat nebe’e mak negativu”. Haktu Direktur AJAR.

Semináriu Rejionál ba Komemorasaun Loron Nasional ba Funsaun Públika ba dala-9 ne’e iha Maubisse organiza husi Sekretária Estadu Komunikasaun Sosial (SEKOMS) partisipantes kompostu husi Munisípiu Ainaro, Manufahi, Covalima, Aileu inklui mós Dili.

Jornalista Moises Magno

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments