Hato-Builiku (05/07/2023) Ho udan ne’ebe akontese iha Domingu mai tó oras ne’e dadaun iha Munisípiu Ainaro fó afeita direita ba rai no uma Komunidade nian hamutuk 12 Iha Area Aimigudu Suku Nunumoge Postu Administrativu Hato-Builiku hetan estragus husi Rai Halai.

Ligadu ho dezastre Naturais ne’ebe maka akontese dadaun ba Jornalista Radiu Komunidade Maubisse Mau-Loko (RKMM) reprejenta Komunidade afeitadu Muzinho dos Reis Amaral hateten Komunidade sira ne’ebé uma hetan estragus husi Dezastre Naturais ne’e Juventude Suku Nonumoge hamutuk ho Autoridade Komunitaria evakua on aba iha Fatin evakuasaun.

“Relasiona ho udan ne’ebé maka akontese iha loron hira liu ba mai tó oras ne’e dadaun fó ameasa ba iha Komunidade nia hela fatin liu-liu iha bairu ida Aimigudu ne’e kuaje uma kain hamutuk 12 maka hetan afeitadu ba dezastre husi udan bót ne’ebé maka akontese ita bele dehan kuaje uma 12 ne’e la aproveita hotu. Tamba ne’e ita asegura ona komunidade sira ne’e, ita agradese tamba laiha ema ida maka lakon vida, komesa husi horseik kedan ami mobiliza malu hodi evakua tia komunidade sira ne’ebé nia uma risku ba dezastre ba iha familia sira atu sira bele hela provizoria iha ne’ebá tamba rai ne’e komesa horseik mai tó agora ne’e sei halai nafatin hela”. Hateten Famila Afeitadu ne’e 05/07/2023.

Ho kondisaun ne’e reprejentante familia ne’e husu ba Governu ne’ebé tutela ba parte dezatre nian atu oferse netik apoiu emerjenjia nian ba famila efeitadu hamutuk uma kain 12 ne’ebé maka afeita direita ba iha dezastre ne’e, no bele apiu matreal konstrusaun ba komunidade afeitadu sira ne’e bele harí hikas uma iha fatin foun. Tamba automatikamente Komunidade afeitadu uma kain 12 ne’e sei labele hela tan iha fatin ne’ebé oras ne’e dadaun afeitadu makas ba rai halai.

“Ami hanesan familia afeitadu ba iha dezastre Naturais ida ne’ebé akontese durante loron hira ne’e ami nia rekomendasaun ba Governu maka oinsa bele tau matan ho didia kba ami komunidade sira ne’ebé maka afeita ba dezastre ida ne’e pelimenus fó netik apoiu emerjenjia liu-liu komunidade sira ne’ebé hetan dezastre no kuntinua apoiu tan matreal Konstrusaun atu bele kostroi hikas uma sira ne’ebé maka hetan dadaun estragus ne’e tamba dadaun ida ne’e ita hare uma sira ne’e kondisaun la diak ona atu sira hela nafatin tamba primeiru kondisaun rai la apoiu no segundu maka kondisaun uma mós hetan estragus totál automatikamente hau hanoin katak ba oin ne’e komunidade sira sei la hela tan iha ne’e”. Dehan Reprejenta Familia Afetadu dezastre Naturais rai halai iha Aimegudo Postu Hato-Builiku.

Fatin hanesan Tuir Xefe Aldeia Nunumoge-Lau hateten, Komunidade ne’ebé maka hela iha fatin refere mai husi Aldeia 3 maka hanesan, Aldeia Nunumoge-Lau, Leo Telu II no Aldeia Tukaro.

Autoridade Komunitariu ne’e klarifika liu tan ho akontesementu ida ne’e iha loron 04 fulan Jullu ne’e nia parte tó kedan iha fatin hamutuk ho joven sira hodi halo evakuasaun ba Komunidade afeitadu hamutuk uma kain 12.

Jornalista Moises Magno Mailmer Mujinhu