Maubisse (05/07/2023) Relasiona ho udan ne’ebé tau ho intensidade bót iha Tersa Semana ne’e halo rai monu hodi taka Estrada no uma Komunidade nian iha Aldeia Airaka-Lau Suku Aituto Postu Administrativu Maubisse Munisípiu Ainaro.

Ba Radiu Komunidade Maubisse Mau-Loko Komunidade afetadu Adelino mendonça hateten, kronolojia husi akontesementu ne’e iha loron 3 fulan Jullu ne’e oras tuku 4 dader, maibe agradese tamba nia membru familia sira ho kondisaun diak no laiha ida maka lakon vida, maibe uma hela fatin no dapur maka hetan estragus total husi rai halai.

“Iha Tangal 3 kalan ne’e iha oras tuku 04 ne’e ami la espera katak atu akontese hanesan ne’e, tamba nia mosu mai ne’e derpendeti deit sorti nia mosu mai ne’e tama uluk husi sala karik husi kuartu sorin ne’e karik labarik sira mate hotu. Ne’ebé tembok ne’e tarutu derpendeti ami mós hafodak hodi halai sai”. Dehan Komunidade Adelino ne’ebé nia uma hetan estragus totál 05/07/2023.

Adelino afirma ho akontesementu ne’e nia ho mebru familia halai no evakua ba iha uma dapur tamba momentu ne’e udan hela, maibe la espera dapur mós hetan Ameasa tamba ne’e durante akontementu ne’e nia ho mebrus familia se deit udan iha liur hafoin hetan ajuda husi familia vizinhu sira.

“Momentu ne’e ami halai sai hodi ba helik fali iha dapur nian tamba momentu ne’e udan hela, entaun ami ba dapur foin tur hanesan ne’e la tó minutu akontese ba tan dapur ne’ebé ami halai sai iha deit liur tó naroman maka vizinhu sira mai foti ami lori ba sira nia uma.” Afirma Komunidade afetadu ne’e.

Ho akontesementu ne’ebé maka hanesan Inan feton Estela Mendonça da Silva ne’ebé sira nia uma mós hetan estragus, husu ba Governu no parte kompetente atu ajuda no hakman situasaun ne’ebé maka agora dadaun sira infrenta.

“Ami Komunidade ne’e mai hakarak ita bót sira nia ajuda, ho difikuldade ne’ebé maka agora ami hasoru dadauk laos deit atu hare ba matreal uma nian maibe ami nia produtu lokal mós afeita hotu iha ne’ebá no mós balu ne’ebé maka iha tós laran mós rai taka hotu kedan. Ne’ebé ami husu ba Governu sebele karik bele loke matan mai ami ho situasaun ne’ebé maka agora ami hasoru ami fiar katak ita bót sira sai hanesan ulun bót rai ida ne’e nian hodi fó mahon ba ami, ami hanesan povu buat ne’ebé ami hasoru no difikuldade ne’ebé ami hasoru hau fiar katak ita bót sira sei la taka matan ba ami.” Dehan Inan feton Estela Mendonça da Silva.

Alem de Rai taka Komunidade nia uma dezastre Natural ne’e mós fó ameasa ba komunidade nian uma inklui uma Naroman ba Povu iha area refere, no fó impaktu mós linha Eletrisidade ne’ebé istala tamba ne’e ba oras ne’e dadaun mós iha Postu Administrativu Maubisse ahi seidauk lakan no fó impaktu nigosiantes sira nia sasan hanesan Ayam Potong, Ikan, no sasan sira ne’ebé tau iha Jalera hetan estragus.

Jornalista Moises Magno