Racom Maubisse Konsellu Kombatente Libertasaun Nasional (CCLN-sigla Portugés), kontinua sosializa fundus veteranus ba munisípiu Ainaro ne’ebé koa kada veteranu ho montante ba $ 30 iha territóriu nasional.
Prezidente Konsellu Kombatente Libertasaun Nasional, Vidal de Jesus, “ Riak-Leman” esplika fundus veteranus ne’ebé koa kada veteranus sira iha munisípiu 13inklui RAEOA, hahú kedan iha tinan 2020-2023 hamutuk Millaun tolu Nulu resin haat ($34.000,00) osan ne’e utiliza hodi fo ba investidor sira emprestímu.
“Objetivu prinsipál halo esklaresimentu ba membru veteranus sira kona-ba fundus sira ne’ebé kria tiha ona hahú iha 2020-2023, hamutuk $ 34.000.00, maibé orsamentu ne’e hodi sosa rai fo ba investidor sira aluga, loke alfaiate atu nune’e jerasaun veteranus nia oan bele servisu,” relata Riak-Leman.
Iha fatin hanesan, Prezidente CCLN Munisípiu Ainaro, Bendito Florival “Salon Ferraz” hatoo agradesimentu ba CCLN nasional bele atualiza informasaun kona-ba fundus veteranus ne’ebé sosa ona rai hodi fornese ba investor sira luga, osan hirak ne’e husi veteranus sira ne’ebé CCLN koa kada veteran ho mnontante $30.00
“Agradese tanba ami bele rona direta husi nasional kona-ba fundu investimentu husi CCLN , kona-ba orsamentu kada veteranus ida koa $ 30.00, durante ne’e ami la hatene orsamnetu refere tau iha ne’ebé, no agora ami hatene no komprende ona, ami sei hatutan ba veteranus sira ne’ebé ohin la marka prezensa iha ne’e,” afirma nia.
Atividade ne’e hala’o iha salaun Nai-Dato Ainaro perante loron ida , partisipa másimu husi membru veteranus posto administrativu Maubisse, Hato-Builico, Hato-Udo inklui Ainaro.
Jornalista Moises Magno
Editór Joaquim Coutinho
