Racom Maubisse (04/05/2023) Diretor Jeral Sekretáriadu Tékniku Administrasaun Eleitorál STAE Acilino Manuel Branco hateten ida ne’e ba Jornalista Radiu Komunidade Maubisse Mau-Loko (RKMM) wainhira halo visita de sevisu hodi observa direita Aktividade Formasaun durante loron 2 ba Ofisial Eleitorál iha Postu Administrativu Maubisse Munisípiu Ainaro Kinta feira ne’e.
Alinde ne’e hodi hare besik liu tan preparasaun STAE Municipiu Ainaro ba hasoru Eleisaun Parlamentar loron 21 Fulan Maiu 2023.
“Preparasaun hot-hotu lao diak maibe hanesan ita bót sira akompaña katak, neste momentu nivel teritóriu Nasional iha Postu Administrativu idak-idak halo hela formasaun ba Ofisial Eleitorál sira. Entaun hanesan ohin hau ható katak mesmu preparasaun hot-hotu lao diak maibe se formasaun la diak prosesu sira hotu ita labele garante ninia kualidade husi prosesu sira ne’ebé maka iha. Tamba ida ne’e maka vizita ida ne’e lori haré besik formasaun ne’ebe maka iha purque prosesu sira ne’ebé maka iha Sentru de Votasaun (CV sigla portugés) no Estasaun de Votu (EV) se maka sei presidi, se maka sei responsabilija maka Brigada sira e mós ba Ofisial Eleitorál sira.” Dehan DG STAE 04/05/2023.
Direjente Orgaun Administrasaun Eleitorál ne’e hatutan formasaun hanesan sei halo mós ba iha tékniku sira ne’ebé sei organiza prosesu elisaun loron 21 fulan Maiu iha Rai Liur.
“Loron 10-11 fulan Maiu ne’e sei halo mós formasaun hanesan ne’e ba iha diplomata sira ne’ebé maka sei presidi prosesu ne’e iha Rai Liur sira identifikadu hotu ona tempu badak sira sei tó hikas iha Dili, sei submete ba iha formasaun. Sentru Votasaun no eleitóres sira iha Rai Liur ne’e ita identifika hotu ona, e públika hamutuk ona iha Jornal da Repúblika. Falta deit matreal atu sai ba iha Rai Liur iha dia 13 de Maiu 2023.Ne’ebé preparadu hotu ona hanesan Direktur Jeral hau bele garante katak Elisaun Parlamentár ida ne’e sei lao diak liu tamba ita halo preparasaun ne’ebé maka másimu.” Hateten Acilino Manuel Branco.
Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).
Alende ida ne’e ba Oras ne’e dadaun STAE Munisípiu Ainaro Nafatin Kórdena ho Ministériu Relevante ne’eb’e toma konta ba Estrada no Eletrisidade atu bele servisu hamutuk hodi haré ba Centru Votasaun sira ne’ebe maka kondisaun Estrada at, inklui laiha Roman Eletrisidade.
Jornalista Moises Magno
Editór Joaquim Coutinho
