Maubisse (30/04/2023) Vise Prezidente Partido Democratico (PD), kompromete bainhira hetan fiar husi povu iha eleisaun parlamentar sei trata sidadaun hotu nia direitu hanesan asesu ba edukasaun ne’ebé kualidade, tamba atu dezemvolve Nasaun ba oin presija ema matenek.

“Ita luta ba Libertasaun Nasional ita nia dignidade ne’e as liu iha Mundu, iha konstrusaun Estadu ita ukun la digfinika ita nia povu, la dignifika ita nia Joven sira. PD laiha istória atu konta ba ita bót sira tamba PD labarik nurak sira ne’ebé maka halo polítika, maibe atu hateten katak Assanami, Kalohan, La Sama halo polítika hodi hatin Soeharto iha nia dapur laran hodi fó Referendum hodi Ukun-An.Tamba ida ne’e maka PD dehan katak ami laiha istória maibe ohin ami kolia ba imi katak PD manan ami sei halo saida ba Nasaun, Edukasaun ne’e importante la halimar ba Nasaun, Nasaun ne’e presija ema ne’ebé maka eskola. Ema bót sira nia oan ba eskola iha Internasional Eschol ful-fulan selu $.500 dolar ema rai liur maka mai hanorin iha Dili, Maibe ema Manetu, Manelobas, Suku Liurai ba eskola iha ne’ebé sira ne’e atu sai matenek halo nusa.” Dehan Vise Prezidente Partido Democrático Samuel Mendonça Iha Mini Kampaña Domingo ne’e iha Prasa Maubisse Munisípiu Ainaro.

Vise Prezidente PD, Samuel Mendonça hatete, politika PD nian ba oin hakarak dezenvolve diak liu tan seitór edukasaun  hodi fó atendementu ba Jerasaun foun sira tuir mai.

“Oin saida maka PD bele dezemvolve diak para bele fó atendementu ba Jerasaun sira ita nia oan, ita nia bei oan sira, para atu bele hetan futuru ida diak ba Nasaun. Tamba ne’e maka ita tenki fó respeiatu ba Mestri sira, fó Subsidiu ba Mestre sira ne’ebé maka servisu iha area Rural e Mesrte sira ne’e labele ba poitiza fali hanesan ema polítiku hodi hanorin fali Partidu nia oan  no Partidu nia Jerasaun sira ne’e labele tamba ne’e maka ita tenki dignifika sira.” Dehan Samuel Mendonça.   

Ligado ba Seitór Saude nian Vise Prezidente Partido Democrático ne’e hateten;

“Seitór Saude oinsa maka tenki fó atendementu Saude ne’ebé maka dignu ba ita nia inan aman sira ohin iha Maubisse ita iha ona Hospitál Referal ida, maibe nia seidauk tó para halo atendementu diak. Oinsa maka Postu Saude sira iha Suku no Aldeia bele iha ona para bele fó atendementu diak liu tan  tamba ida ne’e maka PD nia Lema ida dehan katak “Kaer Metin Ukun Rasik-An, Harí Nasaun Husi Baje”.” Samuel Hateten.

PD mós kompromete sei tau atensaun espesial ba Ferik ho katuas sira katak, osan ba idozu ne’e uluk PD mak inisia, fofoun tau $30, haree ba osan ne’e ki’ik labele sustenta ferik no katuas sira entaun kada diskusaun Orsamentu Jerál Estadu nian, PD sempre propoin para aumenta osan, maibé la konsege  maibé PD kontinua halo proposta diskute ho sira seluk, tanba ne’e foin lalais konsege pasa nune’e ohin loron sa’e ba $50, ne’e kontribuisaun husi PD nian.

Entertantu Mini Kapaña iha Maubisse Supervisiona husi  Komisaun Nasional Elisaun (CNE sigla Postugés) Postu Maubisse no hetan seguransa Polisia Nasional Timor-Leste Esquadra Maubisse.

Jornalista                     Moises Magno

Editór                          Joaquim Coutinho