Kampaña CNRT Iha Ainaro Kay Rala Xanana Gusmão  Agradese Ba Rai Lulik Ainaro, Tamba Salva Xanana Ho Nia Soldadu Sira Iha Situasaun Difisil

0
23 views

Racom Maubisse (30/04/2023) Prezidente Partidu Kongresu Nasional Rekonstrusaun Timorense (CNRT sigla Postuges) Kay Rala Xanana Guasmão Haktuir Istória wainhira halao Kampaña Eleitoral ho tipu komisiu domingu ne’e iha kampu futeból   Munisípiu Ainaro.

“Rai Lulik iha duni, katuas sira kolia laos hanesan ita temi karik (Omon Kosong) loron 4 ka 5 la han  kalan maka ba hemu be sae fali mai haré inimigu iha mota nia sorin ba hateke hela ami, ami túr nonok hotu katuas ida maka lao ho ami. Hau nia soldadu sira nakdedar hotu ona ami hamrík abu-abu mai taka kedas ami, ami lao tun tó ai-laran ai taka tia  ami hateke fali abu-abu lakon.  Ne’e katak saida sira iha, hau rasik maka senti duni iha ai-laran ne’ebá. Atu sa’e to Ramelau ne’ebá inimigu serku mate hotu ami nain 3 maka moris.” Haktuir Xanan iha Ainaro 30/04/2023.

Xanan hateten Ainaro marka Istória diferente ho fatin seluk, tamba Ainaro fatin ba lider CNRT ne’e hsoru malu ba dala uluk nian  ho Jornalista Australiano iha Bunaria tinan 1.989.

“Ainaro tama iha Istória tamba iha Bunaria ne’ebá hau hasoru premeiru Jornalista estranjeiru ida mai tó ita nia rain para hau denunsia Austalia iha 89 rekuiñese tia integrasaun asina tan fronteira ho Indonesia”. Dehan Kay Rala Xanana Gusmão.

Bajeia Ist’oria ne’e Xanan kompromete sei hadia kondisaun moris ferik no katuas sira, hodi kumpri dever ne’ebe tula iha nia kabas durante tinan 24.

“Imi maka manan hau kumpri deit dever ne’ebe imi soe hela mai hau nia kabas ho imi nia terus tinan 24, imi katuas ferik sira ne’e haré ba krekas at liu ona, imi nia terus ne’e maka ita manan Ukun-an hau kaer imi nia terus ne’e tau iha hau nia fuan. Ne’e maka hau fó tia ba Taur dehan o ba Premeiru Ministru tamba hau hakarak manan povu nia riku soin ne’e tenki mai tomak ba Timor ita hetan Ukun-an ne’e tenki hetan kontrolu ba ita nia ruku soin hotu tamba Prtidu CNRT iha prinsipiu”. Dehan Kay Rala Xanana Guamão.

Ho ida ne’e CNRT hetan fiar husi povu  ledera Governu da Sia maka  sei prmove Governasaun diak ba povu liu husi poder lokal ne’ebé kolia kona-ba  desentralizasaun Administrativa, hodi fornese antendementu ne’ebé diak husi Autoridade lokal povu, promove partisipasaun komunidade iha area dezemvolvementu lokal. No ida maka Justisa oinsa trata sidadaun hotu hanesan iha lei nia oin.

fó hanoin fali katak iha elisaun Prezidensial premeira ronde kandidatu husi CNRT Ainaro oferese votus 17.284.

Aktividade kampaña eleitoral ho tipu komisiu ne’e partisipa másimu husi militante no simpatizante, hetan seguransa husi Polisia Nasional Timor Leste Komandu Munisípiu Ainaro, no observa direita husi Komisaun Nasional Elisaun (CNE sigla portugés) no Provedoria Direitu Humanus no Justisa (PDHJ)

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments