Racom Maubisse (24/04/2023) Segunda Feira ne’e Partidu Repúblikadu halao ninia aktividade Kampaña ho tipu fahe Borosura tama sai uma Iha Suku Maulau Postu Administrativu Maubisse Munisípiu Ainaro.
Iha Maulau Maubisse Sekretariu Jeral Interinu Partidu Repúblikadu Venancio Sarmento esplika programa PR nian maka sei hadia estrada Nasional to iha area Rural núne’e hodi fasilita Komunidade sira asesu ba Fasilidade públiku hanesan Saude, Edukasaun, no transporta Produtu Komunidade nian asesu ho lais ba merkadu.
“Programa prioridade kuandu hetan konfiansa husi povu ba Partidu Repúblikanu saida maka ita bele halo mai iha Suku ida ne’e, iha area Maubisse ninian premeiru ita hakarak atu hadia dalan ita hate katak ligasaun dalan husi Nasional tó mai Rural ne’e tenki diak para oinsa maka atu bele fasilita ita nia Komunidade bele lori ninia Produtu ba iha Merkadu núne’e bele ekonomiza sira ninia moris. Problema ida tan maka Bé Mos ho Eletrisidade ida ne’e maka sai programa prioridade ba ita Partidu Repúblikadu wainhira hetan fiar.” Dehan Sekretáriu Jeral Interinu PR iha Suku Maulau Maubisse Munisípiu Ainaro 24/04/2023.
N’une’e nia avalia katak estrada maka sai hanesan fator determinante ba Komunidade nia produtu asesu ba merkadu hodi bele hetan osan ruma ba sustenta Ekonomia familia.
“Estrada maka sai fator determinante hodi núne’e povu bele fasilita sira nia Produtu ba iha merkadu. Ita sei insentiva nafatin ita nia Komunidade iha ne’e atu bele kuda Modo ho modernu e ita hakarak fó kreditu ba ita nia Komunidade para oinsa maka bele ona hasa’e Produsaun Hortikultura iha ne’e ida ne’e maka programa prioridade ne’eb’e ita atu kolia.” Nia Hakotu.
Entertantu Kampaña PR ho tipu fahe Borosura ne’e iha Maubisse lao ho diak tó remata no hetan Supervisaun husi Orgaun Eleitoral CNE.
Jornalista Moises da Silva Magno
Editór Joaquim de Fátima Goutinho
