Racom Maubisse (17/04/2023) Durante loron rua iha Salaun Administrasaun Postu Ainaro Villa, Fundasaun Patria (FP) Hamutuk ho Organizasaun Internasional PLAN Fasilita Formasaun ba Jornlista Husi Radio Komunidade Cova Taroman Covalima, Radiu Dom Voa Ventura Manufahi, Radio Tatamailau no Radiu Komunidade Maubisse Mau-Loko, Inklui Reprejentante Mídia husi Partidu Polítiku iha Munisípiu Ainaro.
Objetivu husi formasaun ne’e, maka atu hakbít abilidade Mídia Radiu lokal ne’ebé Sensivel, Sustentavel, Asesivel no Independente ligadu ho Kampaña Elisaun Parlamentár 2023.
Antes hahú formasaun Reprejentante PLAN INTERNASIONAL Aktul Direktora Fundasaun Patria (FP) Laura Pina hateten programa ida ne’e sei halao ba tinan 2 ne’ebé ho naran Elisaun Demokrátiku no Sustentavel.
“Ida ne’e atu hakbít Radiu Komunidade sira tamba sira besik liu iha Komunidade nia let. Ami husi PLAN INTERNASIOANL ami senti konteti bele kópera ho parseiru sira hotu liu husi programa ida ba tinan 2, programa ne’e bolu naran Elisaun Demokrátiku no Sustentavel”Dehan Reprejentante PLAN Laura Pina 17/04/2023.
Nia hatutan aktividade ida ne’e halo ba Mídia sira Liu husi Kóperasaun ne’ebé maka halo entre Fundasaun Patria (FP) Ho PLAN INTERNASIONAL ba faje dahuluk nian sei halao durante Fulan 10.
“Hau reprejenta PLAN INTERNASIONAL marka Prezensa iha ne’e hau mós antes hanesan Fundadora Fundasaun Patria (FP) kuntinua kópera nafatin ho ami nia parseiru ne’e sei halao mais ou menus faze premeiru ne’e ba fulan 10 ho maluk Mídia sira. Agora ita tama ona ba iha epoka Elisaun Parlamentar entaun ita hamutuk atu bele halo servisu diak liu tan atu lori informasaun lolos ba ita nia votantes sira” Laura Pina Hatutan.
Hafoin de Termina formasaun ne’ebe maka halao durante loron rua ba Jornalista Radiu Komunidade no reprejentante Mídia husi Partidu Polítiku, Prezidente Feto Potensial Munisípiu Ainaro Ana Maria Pereira husu Mídia durante Kampaña Eleisaun Parlamentar 2023 atu foti mós Maluk Feto sira nia lian, Liu-liu ema ho Difesiensia.
“Atu fó hanoin ba maluk Mídia sira keta haluhan foti ami nia inan sira nia lian no mós sira Difisientes sira nia lian netik, sira la asesu ba vota karik oinsa. Tamba ne’e ami husu ba Mídia sira foti netik ami nia lian iha ne’ebá”. Hateten Prezidente Feto Potensial Munisípiu Ainaro Ana Maria Pereira 18/04/2023.
Entretantu Formasaun Ne’ebe Halao durante loron 2 iha Salaun Administrasaun Postu Ainaro Villa ne’e lao ho diak tó remata.
Jornalista Moises da Silva Magno
Editór Joaquim de Fátima Coutinho
